S'n Pieëter

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Oos-Voeres, es te dit dialek sjpriks.

---

Barokke kwartsjlaagtrap van de Maaslandse renaissance Commanderiej in S'n Pieëter en gemakt wie d'r ingank in d'r 18de ieëw verlag is.

De Kèrk

Sint Pietersvoere (plaatselik S'n Pieëter geneump) (Nederlands: St. Pieters-Voeren; Frans: Fouron-St-Pierre) is 'n dörp in de gemeinte Voere in Belsj Limburg. In Voere kalle ze Voeres, Nederlands en Frans. De rivier de Voor löp door 't plaetske en langs de väörmalige Commanderie van de Duutsje Orde ('t Kesjtieël). D'r wone ca 300 luuj.

Buurtsjappe

• Zjwaan (Zwaan)
• Dreenk (Drink)
• Rule (Rullen)
• Paerds (Peerds; op 'n kaart oet 1924 sjteit: Peerdskerkhof)

Bezeenswaerdig

De Commanderie

• De einbeukige parochiekèrk oet 1660, geboewd in opdrach van commandeur Willem Quadt van Beeck ies geboewd van baksjtein en verseerd op de heuk mèt blokke helsjtein. De tore ies karakteristiek veur Limburgse kèrke. Rónd 't geboew liek 't ummoerde kèrkhof mèt o.m. 'n aantal ouw helsjteine kruzer.
• 't Kesjtièl, aan de Voor, in Maaslandse renaissancesjtiel, ies ouch opgetrokke van baksjtein en verseerd op heuk mèt helsjteine blokke. Ouch de vènsterlieste zint van daezelfde sjtein. 't Hudige geboew is same mit de kirk geboewd dör Willem Quadt de Beeck en sjtamp oet de 17e ièw en waor tot de Franse Revolutie 'n Commanderie van de Duutsje Orde. In d'r west-moeër is in de 90ter jaore van d'r vörige ieëw e gemaak voonde. Óp d'r boetemoeër is óp die plaatsj 'n aander voogwaerk waarnömbaar. In 't park sjprink 'n brón, die vieversj en de rivier de Voor van water veurzuut. Dao bevingk ziech ouch 'n forelle-kwekerie.
• Ouw häöf, ouw hoezer, woa-ónder vakwerkhoezer.
• Op versjillende krusinge van waeg: waegkruzer
• Hellinge, bösj (o.m. de St. Gillisbösj), grave en haol waeg in de directe umgeving.

---

De volgende sectie van dit artikel is gesjreve in 't Norbiks.

---

• Op 'n kruutsing va waeg: De Anna-kapel, maaslandse renaissancesjtiel en nuëdèg an restauratie toe. 't Gewelf besjtèèt oet hieël fijn sjilderwaerk op plaaster. Vör dis kapel sjtong bies de jaore '60 'ne lindeboom oeë op d'r naamsdaag va St. Anna hieël väöl Roma op baevaart hèè gonge. Wie d'r boom gekapt waoërt zeunt ze neet mie kaome. Aander bronne zage dat ze neet nao dae boom, mae nao de Anna-kapel op baevaart kieëme en dat nao-lete umdat ze niks mit d'r taalsjtrijd te doeë woolte ha.