Feyenoord

Van Wikipedia

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.


Stadion Feijenoord oftewaal de Kuip

Feyenoord is ein professioneel voetbalclub oet Rotterdam, opgerich op 19 juli 1908, die oetkumptj in'ne Eredivisie. De stadionclub sjtuitj d'rom bekindj ein club van 't volk te zeen. De thoesbasis is 't Sjtadion Feijenoord, det in'ne volksmondj De Kuip weurdj genumpdj. De traditioneel oetrösting van Feyenoord besjtuitj oet ein rood-wit shirt mit zjwarte boks en kouse. De voetbalploog is, same mit Ajax en PSV, ein vanne drie traditioneel topclubs in Nederlandj.

Feyenoord won 15 keer 't landskampioensjap, 11x de KNVB baeker, 2x de UEFA Cup, eine keer de Europacup I, de voorluiper van'ne Champions League en eine keer de waereldbaeker. Daomit sjpeeltj Feyenoord oet historisch ougpuntj ein vooraansjtaondje rol in'ne Nederlandse voetbalcompetitie.

Gesjiedenis

Ontsjtaon

't eerste logo onger de naam Feijenoord oet 1912
Wilhelmina/HFC and RVV Celeritas kits
Wilhelmina/HFC and RVV Celeritas kits

De Nederlandse club Feyenoord is ein voetbalclub mit ein lang historie. Op 19 juli 1908 waerdje in 't café "de Vereeniging" van eigenaar Jac. Keizer de voetbalclub 'Wilhelmina' opgerichtj. D'r waerdje gesjpeeldj in rooj shirts mit blauw moewe, en witte bokse. In 1909 waerdje de naam verangerdj in HFC (Hillesluise Footbal Club). HFC sjloot zich aan biej de Rotterdamse Voetbalbondj, maar omdet d'r al ein club waas die HFC (noe Keuninklikke HFC, in Haarlem) hédje, mos de naam weer verangerdj waere. De naam waerdje RVV Celeritas, d'r waerdje gesjpeeldj in horizontaal gael-zjwart gesjtreepdje shirts en witte bokse. In 1912 promoveerde Celeritas nao de NVB. Omdet d'r ouch al ein club waas die Celeritas hédje, mos de naam weer verangerdj waere en noe kreeg 't de naam Feijenoord (mit ein ij). Taegeliekertied kreeg 't de rood-witte shirts mit zjwarte boks en zjwarte kouse, zo es veer ze noe nog sjteeds kinne.

Eerste successe

Zesteen jaor nao de oprichting, drie jaor nao de promotie nao de hoogste klasse in 1921, vierdje Feijenoord zien eerste echte succes, 't Nederlands landskampioensjap. Later volgdje nog meer kampioensjappe, maar det eerste kampioensjap vonje väöl Feijenoorders toch 't sjoonste van allemäöl, veural omdet de rolle definitief ware omgedrejdj: de 'arbeiders' haje de 'here' versjlage. Häör club, häör Feyenoord, oet de boezem van 't volk, was de béste van Nederlandj. Toen waas 't succesverhaol van'ne jaore die volgdje begos. Net wie in 't kampioensjaor 1924, waerdje Feijenoord in'ne res van'ne jaor '20 nog inkele kere afdeilingskampioen, maar eine landjstitel volgdje allein nog in 1928. In 1930 waerdje veur 't eers de KNVB-beker gewonne. Vief jaor later lökdje 't Feijenoord om det kunsje te herhaole, deze keer in'ne finale taege HVV Helmondj. In'ne jaore '30 en '40 waerdje d'r 5 baekers en 7 landskampioensjappe gewonne. In 1965 behaoldje Feijenoord veur 't eers in zien historie de döbbel (landskampioen en baekerwinnaar).

Gouje periode

Feijenoord internationaliseerdje de naam in'ne jaore zevetig nao Feyenoord, omdet de club toen regelmaotig Europacupwedstrijde sjpeelde en boetelenjers meujte haaje mit 't oetsjpraeke van'ne 'ij'. De club waerdje opgesjplitstj in SC Feijenoord, de amateurtak, en Feyenoord Rotterdam, de proftak. Ze won in 1970, ónger trainer Wiel Coerver, es eerste Nederlandse club de Europacup I veur landskampioene, door mit 2-1 van Celtic te winne. Ouch de waereldbaeker waerdje (es eerste NL club) gewonne, door in twee wedsjtriede 2-2 en 1-0 van Estudiantes (Argentinië) te winne. De late jaore zestig en'ne vreug jaore zevetig zeen de gouje jaore veur de club: ze weurt veer keer kampioen en haetj allein Ajax es serieuze concurrent.

Nao de jaore '70

Nao 1976 geit 't al minder mit Feyenoord. Neet allein kumptj blievende concurrentie van PSV, ouch de constante factor is weg. In 1978 eindigtj de club oppe 10e plaats. Pas in 1984 is 't lek baove, es de club de döbbel wintj. Róndj 1990 geit 't opnuuj sjlech mit Feyenoord, mit de èlfde plaatsj dat jaor es deeptepuntj. Ónger Willem van Hanegem begintj de club aevel aan 'n nuuj bleujperiode, mit icone wie John de Wolf en Henke Larsson. In 1993 weurt Feyenoord weer kampioen. Dit herhaole ze in 1999 ónger Leo Beenhakker.

21e eeuw

Op 8 mei 2002 krege de redelik succesvol jaore '90 ein nog succesvoller vervolg. Feyenoord veroverdje onger leiding van trainer Bert van Marwijk en mit oetblinker Pierre van Hooijdonk in'ne eige Kuip, taege de Duitse kampioen Borussia Dortmund, nao 28 jaor veur de tweede keer in zien historie de UEFA Cup, get waat in Nederlandj weinige meer verwacht haaje. De Uefacup wins van 2002 waar 't begin van ein lang periode wo de Rotterdamers nieks wonne. Oetzunjering waas de KNVB-baeker in 2008 ónger Bert van Marwijk. Ouch financieel kwaam de club in grote probleme: door hoog sjölje, fraudesjandale en doorloupendj financieel wanbeleid sjteldje de KNVB de club in 2006 ónger curatele.[1] Feyenoord eindigtj jaore achterein boete de top-drie, wo clubs wie AZ en FC Twente ze sjportief inhaoldje. Ónger Ronald Koeman, dae van 2011 bis 2014 trainer waas, kaom de club trök aan de top; hae wis aevel gein prieze te winne. Dit lökde Giovanni van Bronckhorst in 't sezoen 2016/17 waal: hae wis Feyenoord veur 't ieërs achtien jaor weer kampioen te make. Zès jaor later wis de club dit ónger Arne Slot te herhaole. Ein anger prestatie in die jaore waor de finale van de ierste UEFA Conference League in 2022.

Rizzeltate saer 1957

6
11
5
2
1
1
4
4
1
2
2
2
1
2
1
2
2
1
2
2
4
10
2
4
4
6
2
1
3
3
3
6
4
11
8
3
1
2
4
3
2
4
1
3
2
3
3
3
4
3
7
6
7
4
10
2
3
2
4
3
1
4
3
3
5
3
1
57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 00 01 02 03 04 05 06 07 08 09 10 11 12 13 14 15 16 17 18 19 20 21 22 23
Eredivisie

Opmerking: 't Sezoen 2019/20 woort in verbandj mit de COVID-19-pandemie aafgebraoke.

Clubcultuur

Geen woorden maar daden is ein regelke oet t clubleed en weurt dèks opgevat es symbool veur de cultuur van Feyenoord. 't Weurdj gezeen es ein club van (have)arbeiders; 'henj oet de moewe en werke veur dien geldj'. Feyenoord sjteit bekèndj om zien fanatieke supporters (Het Legioen). Dit haetj ouch zien keerziej: de club haetj aevegood ein van de geweldjdadigste hel kerne van Nederlandj (SCF Hooligans).

Clublied

't Clubleed van Feyenoord is sins 1961 't Hand in Hand:

Ga je mee naar het stadion
Naar de club van rood en wit
Zoek een plaatsje in de zon
Waar je zo gezellig zit
Kijk ze komen op het veld
Een gejuich uit duizend kelen
Ja, je staat er van versteld
Als die sterrenploeg gaat spelen
Dan is altijd wat je hoort...
Het lied van Feyenoord
Hand in hand kameraden
Hand in hand voor Feyenoord 1
Geen woorden maar daden
Leve Feyenoord 1

De melodie van "Hand in Hand" waerdje in'ne negeteende eeuw gesjreve door de Duitser Wilhelm Speidel. 't Leedje waerdje in'ne loup van'ne jaore door diverse Nederlandse clubs gebroektj; D'r zeen biejveurbeeldj versies van SVV en DHC bekindj. Jaap Valkhoff zoot in'ne jaore zestig zowaal ein Feyenoord- es ein Ajax-versie op'pe plaat. Onger Feyenoord-supporters greujde 't vervolges oet toet 't officieuze clubleed. In t zuide van Nederland'j gebroektj ouch MVV häör eige versie van 't "Hand in Hand". In Belsj heurs se de melodie regelmaotig van'ne tribunes kómme es Club Brugge zien wedsjtriede sjpeeltj.

Mascotte

De offisjeel mascotte van Feyenoord is Coentje. Genumpdj nao de grote voetbalheldj oet Rotterdam, Coen Moulijn. In mei 2007 waerdje aevel de gorilla Bokito populair ónger de supporters van'ne Rotterdamse volksclub, naodet dae nationaal in 't nuuts kwaam wie hae ontsjnapdje oet zien verblief in Diergaarde Blijdorp, de deretuin van Rotterdam.

Helicopter landj op'pe middecirkel in'ne Kuip in 2006.
eerste training juli 2007 op trainingsveldj biej de Kuip

Aope daag

Idder jaor komme teendoezendje miense oet 't hele landj nao de traditionele aope daag in'ne Kuip om 't seizoen te aopene. Sjpectaculair hoogtepuntj is de helikopter dae in 't sjtadion landj om de nuuj aanwinste symbolisch nao de Kuip en 't Legioen te bringe. Bienao aeve sjpectaculair is de eerste training van Feyenoord op 't trainingsveldj naeve de Kuip, ouch dao zeen inkele doezendje fans op'pe bein om ein glimp op te vange van'ne nuuj gezichte.

Rivaliteite

De grootste rivaliteit besjteitj mit Ajax. In 't verleje is 't al väöl tot supportersgevechte tösse hooligans van'ne twee clubs gekómme, mit es deeptepuntj de sjlaag bie Beverwijk (1997). De belaje wedsjtrieje tösse de twee topclubs weurtj De klassieker genumpdj. Ouch mit PSV besjteit 'n (kleiner) rivaliteit. Binne de sjtad Rotterdam is nogal get vijandjsjap mit Sjparta. Wèdsjtrieje tösse die twee waere de Rotterdamse derby genumpdj en gaon om 'de bèste club van Rotterdam'.

Bekindje sjpelers

Ein groot aantal Feyenoord-sjpelers is bekindj gewaore, wo-ónger (mit tösse häökskes de jaore actief biej Feyenoord)

Referenties

  1. http://www.nrc.nl/sport/article1714921.ece/Feyenoord_onder_curatele

Externe link

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Feyenoord&oldid=459885"