Wiel Coerver

Van Wikipedia
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Kirchröadsj, es te dit dialek sjpriks.

Wiel Coerver

Wiel Coerver (Kirchroa, 3 december 1924 - aldao, 22 april 2011) waas 'ne voetballer en latere voetbaltrainer, dae tot hoage laeftied actief bleef.

Coerver waas eine meë dan verdeenstelike voetballer dae 24 jaor actief op ’t hoagste niveau, van 1936 tot 1954 es amateur beij Bleijerhei en, toen 't betaald voetbal ingeveurd in Nederlandj, van 1954 tot 1959 es prof biej Rapid JC. Mèt Rapid JC, de veurlouper van 't hujige Roda JC, woort hae in 1956 kampioen van Nederland. Zien eësjte baan wo-in hae aan de sjlaag ging es trainer waas biej de amateurclub S.V.N., die hae bènne ’n paar jaor via titels en kampioensjappe mèt óngewoon attractief, technisch voetbalsjpel nao de top van ’t amateurvoetbal brach. Vriewaal de helf van de sjpelers van Coervers eësjte succesèlftal woort midde jaore zestig mètein weggekoch door profclubs. Later woort hae coach betaald voetbal, eësj biej Sparta en daonao biej NEC. Zien graotste succes boekde hae aevel biej Feyenoord womit hae in 1974 de UEFA Cup en de nasjenale titel wón. Hae waas daonao nog trainer van ’t Indonesisch Èlftal en Go Ahead Eagles. Coerver waas ouch de eësjte voetbaltrainer dae, mèt zien interesse veur de balfysica en in zien sjtreve nao perfectie, gebruuk maakde van de kènnis van bewaegingsweitesjappers, o.a. van óngerzeukesj van de universiteit van Nijmege.

Wiel Coerver is aevel veural bekènd gewore mèt de zoagenaamde Coerver-methode, die gerich is op ein zoa volledig meugelike balbeheërsjing, aangevöld mèt de neuëdige techniek. Coerver is vanaaf 1977 in tal van lènj actief (gewaes) óm zien methode aan jeugdige voetballers te óngerwieze. Ouch zint d'r beuk en dvd's oetgebrach óm de oefensjtof dudelik te make. De Coerver-methode wirt in völ lènj door de nasjenale voetbalbunj en clubs ómermd, ónger andere door de jeugaafdeiling van Manchester United.

Op 24 mei 2008 waort Wiel Coerver door de coaches betaald voetbal (CBV) óngersjeije mèt de Oeuvrepries bèste trainer/coach. Deze pries kroog hae oetgereik oet hènj van Kees Rijvers.

Carrière es sjpeler[bewirk | brón bewèrke]

Carrière es trainer[bewirk | brón bewèrke]

Brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Wiel_Coerver&oldid=460877"