Ieredevisie (hierevoetbal)

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De Ieredevisie (Nederlands Eredivisie) is de hoegste competitie in 't Nederlands hierevoetbal. In de Ieredevisie weurt gespäöld um 't landskampioensjap (betaold) voetbal.

Historie[bewirk | brón bewèrke]

Betaold voetbal gaof 't tot in de jaore 1950 in Nederland neet; de KNVB verbooj dat oet princiep officieel. In die jaore raakde 't Nederlands voetbal evels dudelek achterop; daorum riechde me in 1954, op initiatief vaan de Limbörger Gied Joosten, de NBVB op, boe-in tien nui opgeriechde clubs tegenein gónge speule. Ein vaan die clubs waor Fortuna '54, 't geisteskinneke vaan Joosten zelf. Al nao e paar maond waore die vaan de KNVB euvertuig en beslote ze bij de NBVB um de boonde en de competities te doen fusere. 't Ierste sezoen (1954/55) späölde alle betaolende clubs in veer Ierste Klasse, in 1955/56 späölde de bèste clubs in twie Hoofklasse, mèt drei Ierste Klasse dao-oonder, vaanaof 1957/58 woort e lendelek systeem ingeveurd mèt de Ieredevisie, Ierste Devisie en Twiede Devisie.

Sindsdeen is 't formaot vaan de Ieredevisie neet al te väöl veranderd. De winner geit voetballe in de Europacup 1 of zien opvolgers, de lèste degradeert nao de Ierste Devisie. Vaan 't sezoen 1962/63 tot en mèt 1965/66 umvatde de competitie 16 clubs, zoewel teväör es tenao waore dat 'rs 18. Door touwnummende vercommercialisering en sponsoring woort in 1990 de Ieredevisie umgeduip tot PTT-Telecompetitie, vaanaof 1999 KPN-Telecompetitie, sinds 2000 KPN Eredivisie en nao 2002 Holland Casino Eredivise geheite. Al deen tied woort de competitie in de volksmoond gewoen Ieredevisie geneump; daorum besloot me in 2005 vaan die naom weer gans te herstèlle.

Vaan de oersprunkeleke clubs die in 1957 mèt de Ieredevisie begóste, höbbe allein Ajax, Feyenoord en PSV oonaofgebroke drin gespäöld.

Competitie[bewirk | brón bewèrke]

De Ieredevisie tèlt achtien clubs, die allemaol twie kier tegenein speule; eine kier toes en eine kier oet. Dit maak 2x17=34 speulrundes. De ierste speulrunde vèlt allewijl miestal in augustus; de lèste in mei. In jannewarie weurt 'ne winterstop ingestèld. In eve jaore, wienie 'n EK of WK weurt gehawwe, indeg de competitie get vreuger in mei es in ooneve jaore. Veur de volgorde op de raanklies weurt primair geloerd nao de punte (wie euveral: drie punte veur wins, eint bij geliekspeul), daan nao 't doelversjèl en daan nao 't aontal goale veur. Oonderling rizzeltaot en aontal kier gewonne tèlt in de indklassering neet mèt; moch 't veurkoume tot clubs 'tzelfde aontal punte en dezelfde doelciefers höbbe daan indege ze geliek, en speule ze e beslissingsspeul tegenein es dat nujeg is.

Europees voetbal[bewirk | brón bewèrke]

Wee aon 't ind vaan 't jaor bovenaon steit, en dus kampioen weurt, kump in 't sezoen dao-op veur voetbal in de Champions League in aonmerking. Of ouch lieger geklasseerde clubs Europees goon voetballe, hingk aof vaan de UEFA-coëfficiënt. Hei-in weurt 't totaol vaan de prestaties vaan e land zien clubs euver de lèste vief jaor berekend; wie beter of dat is, wie mier clubs oet dat land wie hoeger mage speule. De boond vaan 't land maak dan aon de hand vaan de competitie en de beker oet welke clubs dat weure. Zoedoende, en ouch umtot de KNVB zelf nog wel ins get regele veraandert, versjèlt 't perspectief op Europees voetbal vaan jaor tot jaor. Veur 't jaor 2018/19 kaom dat hei-op neer:

  • De landskampioen plaots ziech veur de daarde kwalificatierunde vaan de UEFA Champions League;
  • D'n twiede plaots ziech veur de twiede kwalificatierunde vaan de Champions League;
  • De daarde plaots ziech veur de twiede kwalificatierunde vaan de UEFA Europa League
  • De nommers 4 t/m 7 speule play-offs (in twie rundes) um 'n plaots in de twiede veurrunde vaan de Europa League.

De bekerwinner krijg 'n plaots in de daarde kwalificatierunde vaan de Europa League. Gemeinelek kump dee wel oet de ierste ach vaan de Ieredivisie. In dat geval trejje de volgende regele in wèrking:

  • Es de bekerwinner ouch landskampioen of twiede is, en dus kwalificatie Champions League geit speule, geit dit ticket nao de daarde en sjuif de res vaan 't systeem nao oonder (de nommer veer geit dus ouch direk Europa in, dewijl de nommers 5 t/m 8 play-offs speule);
  • Es de bekerwinner daarde tot zevende weurt, sjuif de res vaan 't systeem nao oonder. De clubs tot aon de achste plaots kinne noe Europees goon voetballe of make dao kans op.

't Is ieder oetzunderlek tot ein vaan de bovestoonde regele neet in wèrking treujt. In 't sezoen 2013/14 waor dat 't geval: PEC Zwolle won toen de beker, allewel tot 't in de competitie mer èlfde woort.

Promotie en degradatie[bewirk | brón bewèrke]

Wee lèste (achtiende) weurt in de Ieredevisie, degradeert otomatisch nao de Ierste Devisie. De kampioen vaan de Ierste Devisie promoveert otomatisch nao de Ieredevisie. D'n twiede lèste (zeventiende) en daarde lèste (zestiende) speule, same mèt ach Ierste Devisieclubs (boe-oonder de veer periodekampioene), um twie plaotse in de Ieredevisie. Vreuger dege ze dat mèt 'n naocompetitie, allewijl gebeurt dat mèt e getrep play-offsysteem.

Clubs[bewirk | brón bewèrke]

In 't loupend sezoen (2016/17) speule de volgende clubs in de Ieredevisie (de trainers zien veurluipeg):

Club Plaots Opgeriech Stadion Capaciteit Trainer Rizzeltaot '15/'16
ADO Den Haag D'n Haag 1905 Kyocera Stadion 15.000 Željko Petrović 11e
AFC Ajax Amsterdam 1900 Amsterdam ArenA 53.052 Peter Bosz 2e
AZ Alkmaar 1967 AFAS Stadion 18.023 John van den Brom 4e
SBV Excelsior Rotterdam 1902 Stadion Woudestein 3.531 Mitchell van der Gaag 15e
Feyenoord Rotterdam 1908 Stadion Feijenoord 51.137 Giovanni van Bronckhorst 3e
Go Ahead Eagles Deventer 1902 De Adelaarshorst 9.800 Hans de Koning 5e Ierste Devisie
FC Groningen Groninge 1971 Euroborg 22.550 Ernest Faber 7e
SC Heerenveen Heerenveen 1920 Abe Lenstra Stadion 26.100 Jurgen Streppel 12e
Heracles Almelo Almelo 1903 Polman Stadion 12.080 John Stegeman 6e
N.E.C. Nimwege 1900 De Goffert 12.500 Peter Hyballa 10e
PEC Zwolle Zwolle 1910 IJsseldeltastadion 12.500 Ron Jans 8e
PSV Indhove 1913 Philips Stadion 35.000 Philip Cocu landskampioen
Roda JC Kèrkraoj 1962 Parksjtad Limburg Sjtadion 19.979 Yannis Anastasiou 14e
Sparta Rotterdam Rotterdam 1888 Het Kasteel 11.026 Alex Pastoor kampioen Ierste Devisie
FC Twente Enschede 1965 De Grolsch Veste 30.205 René Hake 13e
FC Utrecht Utrech 1970 Galgenwaard 23.750 Erik ten Hag 5e
SBV Vitesse Arnhem 1892 GelreDome 25.000 Henk Fraser 9e
Willem II Tilburg 1896 Koning Willem II Stadion 14.700 Erwin van de Looi 16e

Kampioene[bewirk | brón bewèrke]

jaor club
1956/1957 Ajax
1957/1958 DOS
1958/1959 Sparta
1959/1960 Ajax
1960/1961 Feyenoord
1961/1962 Feyenoord
1962/1963 PSV
1963/1964 DWS
1964/1965 Feyenoord
1965/1966 Ajax
1966/1967 Ajax
1967/1968 Ajax
1968/1969 Feyenoord
1969/1970 Ajax
1970/1971 Feyenoord
1971/1972 Ajax
1972/1973 Ajax
jaor club
1973/1974 Feyenoord
1974/1975 PSV
1975/1976 PSV
1976/1977 Ajax
1977/1978 PSV
1978/1979 Ajax
1979/1980 Ajax
1980/1981 AZ '67
1981/1982 Ajax
1982/1983 Ajax
1983/1984 Feyenoord
1984/1985 Ajax
1985/1986 PSV
1986/1987 PSV
1987/1988 PSV
1988/1989 PSV
1989/1990 Ajax
jaor club
1990/1991 PSV
1991/1992 PSV
1992/1993 Feyenoord
1993/1994 Ajax
1994/1995 Ajax
1995/1996 Ajax
1996/1997 PSV
1997/1998 Ajax
1998/1999 Feyenoord
1999/2000 PSV
2000/2001 PSV
2001/2002 Ajax
2002/2003 PSV
2003/2004 Ajax
2004/2005 PSV
2005/2006 PSV
2006/2007 PSV
jaor club
2007/2008 PSV
2008/2009 AZ
2009/2010 FC Twente
2010/2011 Ajax
2011/2012 Ajax
2012/2013 Ajax
2013/2014 Ajax
2014/2015 PSV
2015/2016 PSV
2016/2017 Feyenoord
2017/2018 PSV
2018/2019 Ajax
2019/2020 geine
2020/2021 Ajax
2021/2022 Ajax
2022/2023 Feyenoord
2023/2024 n.n.b.

Opm.: 't Sezoen 2019/20 woort aofgebroke nao 't oetbreke vaan de COVID-19-pandemie en oetindelek neet mie oetgespäöld. 'ne Kampioen woort neet oetgerope; Ajax stoont op dat memint bovenaon.

Club Aontal
Ajax 27
PSV 20
Feyenoord 11
AZ 2
DOS, DWS, Sparta, FC Twente 1

Bron[bewirk | brón bewèrke]

Dit artikel is gebaseerd op en gedeiltelek euvergenome vaan 't corresponderend Nederlandstaoleg artikel, en wel in dees versie.

Externe link[bewirk | brón bewèrke]