Alkmaar

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Gemeinte Alkmaar

Veendel vaan Alkmaar

Waope vaan Alkmaar

Ligking vaan de oetgebreide gemeinte Alkmaar in Noord-Holland

Provincie Naord-Holland
Hoofplaats Alkmaar
Börgemeister (lies) Piet Bruinooge (CDA)
Opperflaakde
– daovan water
117,35 km²
6,67 km²
Inwoeners
deechde:
106.993 (1-5-2014,
fusiepartners same)

967/km²

Alkmaar is 'n stad in 't hart vaan de Nederlandse provincie Noord-Holland mèt op 1 januari 2004 94.121 inwoeners. Neve de stad Alkmaar bevat de gemeinte de dörper Driehuizen, Graft, Grootschermer, Koedijk, Markenbinnen, Noordeinde, Omval, Oost-Graaftdijk, Oterleek, Oudorp, De Rijp, Schermermhorn, Starnmeer, Stompetoren, West-Graftdijk en Zuidschermer. Alkmaar is 't verzörgingcentrum vaan de kop vaan Noord-Holland en nao Amsterdam en Haarlem de groetste stad vaan die provincie. De stad weurt um häör sjoen aongeziech en de folkoristische kiesmerret (edere vriedeg) door väöl toeriste bezoch.

Stadsgeziech[bewirk | brón bewèrke]

Kiesmerret

De stad heet 'n aontal intersante kèrke, wie de Sint-Laurenskèrk, de Kapelkerk en de neogotische Sint-Laurentiuskèrk vaan Cuypers. 't Bekindste gebouw is evels wel de Wieg, aon de Groete Merret, boe me vriedegs de kiesmerret hèlt. Ouch 't stadhoes is intersant. Wijer is in 't Alkmaars centrum wieneg gesloop, wat de ganse binnestad hiel bezeensweerdeg maak.

Historie[bewirk | brón bewèrke]

Alkmaar is in d'n èlfden iew veur 't iers geneumd, rissorterend oonder Heiloo. In d'n twelfden iew laog 't in de frontlinie vaan de strijd tösse de Hollanders en de Wes-Frieze. De Hollandse graof gaof de plaots in 1254 stadsrechte. In 1492 woorte de privilezjes evels opgesjort, umtot de stad aon de Rebellie vaan 't Kies- en Broedvolk mètdeeg. In 1573 woort de stad door d'n Hertog vaan Alva belag; zoonder succes evels. Dit waor 't kierpunt in d'n Tachtegjaoregen Oorlog ('van Alckmaer de victorie'). In de zeventienden iew maakde me de mere in de umgeving druug, wat tot de bleuj vaan de stad bijdroog. De stad kós evels neet in de Zuiderzeehandel participere, zoetot ze in de sjeem vaan Enkhuizen en Hoorn kaom te stoon. In de negentiende iew oontwikkelde ze ziech weer bove die oet, door de ontwikkeling vaan spoorweeg en 't grave vaan 't Noordhollands Kenaal en zien strategische ligking dao-aon, midde in 't land. In 1972 annexeerde Alkmaar de gemeintes Koedijk en Oudorp, in 2015 volgde 'n oetbreiing mèt de opgelufde gemeintes Schermer en Graft-De Rijp. Dit maakde vaan veurheer sterk steidelek Alkmaar 'n gemeinte mèt väöl lendelek, dunbevolk gebeed.

Commons
Commons
Op de pazjena Alkmaar van Wikimedia Commons zeen media gerelateerd aan dit óngerwerp te vènje
 
Provincie Noord-Holland
Vaan van Noord-Hollandj

Aalsmeer · Alkmaar · Amstelveen · Amsterdam · Bergen · Beverwijk · Blaricum · Bloemendaal · Castricum · Den Helder · Diemen · Dijk en Waard · Drechterland · Edam-Volendam · Enkhuizen · Gooise Meren · Haarlem · Haarlemmermeer · Heemskerk · Heemstede · Heiloo · Hilversum · Hollands Kroon · Hoorn · Huizen · Koggenland · Landsmeer · Laren · Medemblik · Oostzaan · Opmeer · Ouder-Amstel · Purmerend · Schagen · Stede Broec · Texel · Uitgeest · Uithoorn · Velsen · Waterland · Wijdemeren · Wormerland · Zaanstad · Zandvoort

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Alkmaar&oldid=448513"