Hollands Kroon

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Gemeinte Hollands Kroon

Waope vaan de gemeinte

Gemeinte Hollands Kroon

Provincie Noord-Holland
Hoofplaats Anna Paulownapolder[1]
Börgemeister (lies) Theo van Eijk a.i.
Opperflaakde
– daovan water
665 km²
km²
Inwoeners
deechde:
47.613 (1-4-2011)
71,6/km²

Hollands Kroon is 'n gemeinte in de Nederlandse provincie Noord-Holland, in de Kop van Noord-Holland. Ze woort op 1 januari 2012 gevörmp oet 't groondgebeed vaan de aw gemeintes Anna Paulowna, Niedorp, Wieringen en Wieringermeer. De veer gemeintes same hadde op 1 januari 2010 47.613 inwoeners; mèt 665 km² is 't ein vaan de nao oppervlak groetste (en dunsbevolkde) gemeintes vaan Nederland.

Insignes[bewirk | brón bewèrke]

't Waope vaan de gemeinte is vaan goud (geel), mèt 'ne liew vaan keel (roed), geklawd en getóngk vaan lazuur (blauw) en 'ne keuningskroen op de kop. 't Sjèld gedèk mèt 'n dreiblaojege kroen.

Dit waope is sprekend: 't tuint 't waope vaan Holland, mèt dit versjèl tot de liew 'n kroen dreug.

Historie en achtergroond[bewirk | brón bewèrke]

De veer gemeintes boe Hollands Kroon oet is gevörmp, zien oonderein hendeg versjèllend. Niedorp waor zelf 'n fusiegemeinte oet 1970, die ligk in 't eigelek Wesfriesland ('t gebeed binne de Wesfriese rinkdiek). Wieringen is e geweze eiland wat iewelaank in relatief isolatie vaan 't vasteland laog. Anna Paulowna is 'ne polder dee in 1846 druugveel. De Wieringermeer is ouch 'ne polder, en wel eine vaan de IJsselmeerpolders, en veel in 1930 druug; zienen opzat is belaankriek groetsjaoleger en moderner.

In de jaore 2000 kaome, gooddeils oonder drök vaan de provincie Noord-Holland, versjèllende herindeilinge in de provincie op gaank, boebij 't oetgaankspunt waor veur gemeintes mèt minstens 20.000 inwoeners te make. Gein vaan dees veer gemeintes kaom dao-aon. Daorum woort beslote, um oonder vaan bove opgelagte fusieplanne oet te koume, veur zelf tot 'n fusie euver te goon. Veur de naom woort gekoze veur Hollands Kroon, nao e watersjap wat vaan 1994 tot 2003 in de regio had bestande. De oersprunkeleke werknaom waor Amstelmeer, nao 't water wat westelek vaan Wieringe ligk.

Kerne[bewirk | brón bewèrke]

De gemeinte umvat de volgende 22 kerne:[2]

Daoneve kint de gemeinte e groet aontal naobersjappe.

Politiek[bewirk | brón bewèrke]

Samestèlling gemeinteraod[bewirk | brón bewèrke]

Op goonsdag 23 november 2011 woorte raodsverkezinge veur de touwkumstege gemeinte gehawwe, mèt de volgenden oetslaag:[3][4]

Partij

VVD
CDA
PvdA
Senioren Hollands Kroon
LADA
D66
ChristenUnie
GroenLinks
Partij Vrije Liberalen
Progressief Wieringermeer
Wieringen05
Algemeen Belang Hollands Kroon
SDC

Percentaasj

25,19%
14,69%
12,87%
12,16%
9,11%
4,99%
3,79%
3,76%
3,71%
3,22%
2,83%
2,45%
1,23%

Zetele

8
5
4
4
3
1
1
1
1
1
-
-
-

Gans in d'n tiedgeis vaan ind 2011 presteerde hei 't CDA tegevallend; in twie vaan de veer gemeintes waor 't daoveur de groetste partij gewees. De opkóms waor 40,52%.[4] Oet deze raod woort e colleesj vaan VVD, CDA en PvdA gevörmp.[5]

Börgemeister[bewirk | brón bewèrke]

Op 13 december 2011 zien twie lui veur de positie vaan woernummende börgemeister gekandideerd, boe de raod Theo van Eijk oet koos.[5] In de zomer vaan 2012 kump daan 'nen defintieve börgemeister.[6]

Bevolking en cultuur[bewirk | brón bewèrke]

De bevolking is oonderling divers, wat ziech liet verklaore oet de versjèllende histories vaan de aw gemeintes. Euver 't algemein wèrk ze in de primaire sector; op Wieringen (veural in Den Oever) dèks in de vèsserij, in de res vaan de gemeinte in de landbouw.

In de plaotse vaan de geweze gemeinte Niedorp sprik me vaanajds Wesfries; in Anna Paulowna deit me dat ouch. Wieringen kint 'n archaïsch en sterk aofwiekend Wesfries dialek, 't Wierings. In de Wieringermeer spreke ze gein ech Wesfries, meh wel (sterk) regionaol gekleurd Nederlands.[7]

Bronne[bewirk | brón bewèrke]

  1. Hollands Kroon - Verbouwing Burg (sic) Mijnlieffstraat
  2. Hollands Kroon - De nieuwe gemeente
  3. Verkiezingen Hollands Kroon
  4. 4,0 4,1 De Volkskrant - VVD ruim de grootste bij regionale verkiezingen
  5. 5,0 5,1 Hollands Kroon - Coalitie Hollands Kroon: Aanpakken en meedoen
  6. Noord-Hollands Dagblad - Burgemeester Hollands Kroon volgend jaar in zomer bekend
  7. Harrie Scholtmeijer, Taal in stad en land: Utrechts, Veluws en Flevolands. Den Haag, 2002: pp. 22-30

Externe link[bewirk | brón bewèrke]

 
Provincie Noord-Holland
Vaan van Noord-Hollandj

Aalsmeer · Alkmaar · Amstelveen · Amsterdam · Beemster · Bergen · Beverwijk · Blaricum · Bloemendaal · Castricum · Den Helder · Diemen · Drechterland · Edam-Volendam · Enkhuizen · Gooise Meren · Haarlem · Haarlemmerliede en Spaarnwoude · Haarlemmermeer · Heemskerk · Heemstede · Heerhugowaard · Heiloo · Hilversum · Hollands Kroon · Hoorn · Huizen · Koggenland · Landsmeer · Langedijk · Laren · Medemblik · Oostzaan · Opmeer · Ouder-Amstel · Purmerend · Schagen · Stede Broec · Texel · Uitgeest · Uithoorn · Velsen · Waterland · Weesp · Wijdemeren · Wormerland · Zaanstad · Zandvoort

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hollands_Kroon&oldid=387568"