Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
MVV Mestreech (officieel sinds 2011 Maatschappelijke Voetbalvereniging Maastricht, vaanaajs Maastrichtse Voetbalvereniging; in de volksmoond us MVV'ke) is 'n ierstedevisievoetbalclub mèt es toesbasis Mestreech. De club is opgeriech in 1902 es MVV'02, meh oontstoont in häören huidege vörm in 1978, aonvaankelek es aofsplitsing vaan de mojervereineging. Sinds 1961 speult MVV in De Geusselt, daoveur vaanaof 1911 in De Boschpoort.
MVV heet jaorelaank in de ieredivisie vaan 't Nederlands voetbal gespäöld, meh degradeerde in 2000. In de jaore denao kaom de club, wie wel mier betaold-voetbalclubs, ouch nog in groete financieel probleme. Dat brach de Mestreechse börgemeister Gerd Leers oetindelek in 2003 detouw de gemeinteleke subsidie aon MVV te stoppe. De financieel probleme hele aon, wat tot angs veur faillissemint leide. In 2010 woort de sjöld gesaneerd, boenao de club esnog 'n financieel injectie vaan de gemeinte kraog. Wel mós MVV 't seizoen 2010/11 mèt ach punte aoftrèk beginne, 'n straaf vaan de KNVB veur financieel wanbeleid. In de jaore vaan financiëlen tegeslaag góng 't ouch sportief zier oondermaots; de lèste jaore späölt MVV ieder in de subtop of middemoot. Toch deit 't nog wel dèks aon de naocompetitie mèt.
Dit artikel is e sjtumpke. De kans Wikipedia helpe door 't aan te völle