Johan Cruijff

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Johann Cruijff in 2009.

Johan Cruijf (boete Nederland miestal gesjreve es Cruyff; Amsterdam, 25 aprèl 1947 - Barcelona, 24 miert 2016) waor 'ne Nederlandse voetballer en voetbaltrainer. Heer späölde sinds 1957 in de jäög vaan AFC Ajax en debuteerde dao in 1964 in 't ierste. Zien groete doorbraok kaom wie 't jaor dao-op trainer Rinus Michels aontraoj. Cruijf bleek boete 'nen technich begaafde voetballer ouch hiel väöl speulinziech te höbbe en woort al gaw de bèste vootballer vaan zien generatie. In 1966 debuteerde heer in Oranje, boe heer in 48 interlands 33 gole zouw score. Heer won mèt Ajax dreikier d'n Europacup 1 (1971-73) en stoont mèt 't Nederlands èlftal in 1974 in de finale van 't WK. Nao 1973 späölde heer bij versjèllende aander clubs, boe-oonder FC Barcelona (1973-78) en de Washington Diplomats (1980 en 1981). Vaan 1981-83 späölde heer weer bij Ajax; heer sloot zien voetbalcarrièr aof bij Feyenoord (1983-84). Korten tied later woort heer trainer bij Ajax (1985-88) en Barcelona (1988-96). Ouch traoj heer dèks op es commentator bij voetbalwèdstrije. In 2015 maakden 'r bekind tot 'r kaanker had, boe heer 't volgend jaor aon storf.

Cruijff weurt algemein gezien es de bèste Nederlandse voetballer oets, en ein vaan de bèste oets t'r wereld. Ziene zoon Jordi Cruijff (*1974) waor ouch profvoetballer.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Johan_Cruijff&oldid=396950"