Europese Centraol Baank
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Europese Centraol Baank, de Europese Centraolbaank ofwel de ECB (Duits: Europäische Zentralbank, EZB; Ingels: European Central Bank, ECB; Frans: Banque centrale européenne, BCE) is 'n in Frankfurt am Main gelege orgaon vaan de Europese Unie (EU) wat ziech bezeghèlt mèt de gezameleke weerde vaan de Eurozone, naomelek d'n euro. Negetien len hure bij de ECB en hun nationaol baanke stoon officieel oonder de autoriteit vaan de ECB. Dees 19 len zien Belsj, Duitsland, Esland, Finland, Fraankriek, Griekeland, Ierland, Italie, Letland, Litouwe, Luxembörg, Malta, Nederland, Oosteriek, Portugal, Slowakije, Slovenië en Cyprus. Ze woort opgeriech op 1 juni 1998 op basis vaan 't in 1992 oonderteikend Verdraag vaan Mestreech. In 2012 waor zie zoe'n 38 mieljard euro weerd. D'n ierste president vaan de ECB waor Wim Duisenberg.
Vaan 2011 bis 2019 waor Mario Draghi häöre president, dee bekènd kaom te staon in media en polletiek es "de redder vaan d'n Euro" (saviour of the Euro). Zien strategie tijes de Eurocrisis waor, in zien eige wäörd, um d'n Euro te redde en um 't eve welke moyen door veur neudeg is: "We are prepared to do whatever it takes to prevent the Euro from falling". Sinds 2019 is Christine Lagarde d'n ierste vrouweleke president vaan de Baank. Draghi woort twie jaor later, in 2021, premier vaan Italië. Zien opdrach woort um de ikkenomische stimuli vaanoet de EU efficiënt te implimentere in de Italiaonse ikkenemie. Zien ben mèt de ECB bleve daodoor hendeg sterk.
| Insjtèllinge van de Europese Unie |
|---|
| Europees Parlemint | Europese Raod | Raod van de Europese Unie | Europese Kemissie | Europees Hof van Zjustisie (deil vaan 't Hof van Zjustisie van de Europese Unie) | Europese Centraal Bank | Europese Raekenkamer |
| Europese insjtèllinge die neet ónger de bevoogheid van de EU valle: Raod van Europa | IOMTBM |