Christine Lagarde
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.jpg)
Christine Lagarde (1 jannewarie 1956, Paries) is 'ne zjuris, polletieker en hoegen ambteneer en d'n allewijle prizzedent vaan de Europese Centraol Baank (ECB), die deil oetmaak vaan de Europese Unie (EU).
Es 'nen advokaot wèrkde zie veur 't Amerikaans internationaol bedriefsadvokaotebedrijf Baker McKenzie. Daonao waor zie vaan 2005 bis 2007 minister vaan Handel aon 't ind vaan d'n twieden termijn vaan Franse prizzedent Jacques Chirac. Oonder 't Prizzedentsjap vaan Nicolas Sarkozy waor ze in 2007 'n maond 'ne minister vaan agricultuur en visserij, veurtot ze woort beneump tot minister vaan ikkenemie, boe zie häör verantweurdelekheie praktiseerde in de konteks vaan de kredietcrisis vaan 2008.
In 2011, nao de zjuridische gesj`lele vaan Dominique Strauss-Kahn, verleet zie de Franse regering um d'n algemeinen direktäör te weure vaan 't Internationaol Monetair Foonds (IMF), boe zie de sjöldecrisis in d'n Eurozone, mèt naome in Griekeland, oonder ouge moos zien. In 2019, drei jaor naotot zie weur herbeneump es hoof, naom zie oontslaag bij 't IMF um prizzedent vaan de Europese Centraol Baank (ECB) te weure, es opvolgerse vaan Mario Draghi.
Zie is de ierste vrouw die ministerse vaan Ikkenomische Affaires is gewees in e G8-land en ouch de ierste vrouw dieheet gedeend es d'n algemeinen direktäör vaan 't IMF en prizzedent vaan de ECB.