Europees Hof vaan Zjustitie

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

't Europees Hof vaan Zjustitie, officieel gewoen 't Hof vaan Zjustitie (neet te verwarre mèt 't Hof vaan Zjustitie vaan de Europese Unie) kaveert de eerbiedweerdegheid vaan 't Rech vaan de Europese Unie bij de verklaoring en touwpassing vaan de Europees verdrage. 't Is de hoegste gerechteleke instèlling vaan de Europese Unie (EU) en maak same mèt 't Gerech en 't Gerech veur ambtenerezake vaan de Europese Unie deil oet vaan 't ieder geneump Hof vaan Zjustitie vaan de EU.

Es gerechteleke instèlling vaan de EU veurkump 't tot ederein 't Gemeinsjapsrech nao eige inziech verduts en touwpas. 't Zörg daomèt deveur tot 't rech 'tzelfde blijf veur de gansen traanzjee oonder alle umstandeghede.

Op basis vaan artikel 19 vaan 't Verdraag vaan Mestreech besteit 't Hof vaan Zjustitie oet eine rechter per lidstaot. 't Hof weurt bijgestande door nege advocaote-ginneraol, die in 't openbaar in complete oonpartijdegheid gefundeerd conclusies presentere euver zake die aon 't Hof zien veurgelag.

't Hof vaan Zjustitie zetelt in de stad Luxembörg.

Mach

't Hof heet 'n, veur EU-bezejje, groete maote vaan mach in de Unie: alle Europese wètgeving, inclusief de nationaal wètgeving vaan EU-lidstaote die op welke meneer daan ouch gelink kinne weure mèt intra-nationaal aofsprake tösse EU-lidstaote, valle oonder de verantweurdelekheid vaan dit Hof. Es 't Hof bewies tot de situatie of wètgeving op welke meneer daan ouch in aonraoking kump mèt Europees wètte, of wètte vaan aander lidstaote, heet 't Europees Hof 't lètse woord. Wat de nationaal rechbaanke dao ouch vaan mage vinde is daan irrillevant. Daomèt gief 't 'n vrij oetzunderleke situatie binne de verstandshawwinge tösse de EU en häör lidstaote: wijl in de executieve mach en legislatieve mach de EU minder te zègke heet es de lidstaote (die allemaol oonaofhaankelek veto-rech höbbe bij 't veur- of tegestömme vaan nui wètte), heet de EU in de judicieel mach via 't Europees Hof de euverhand. Heidoor weurt soms ouch wel gestèld tot 't Europees Hof vaan Zjustitie 't mechtegste instituut is vaan de EU.

Brón

• Nederlandstaolege Wikipedia

Insjtèllinge van de Europese Unie
Europees Parlemint | Europese Raod | Raod van de Europese Unie | Europese Kemissie | Europees Hof van Zjustisie (deil vaan 't Hof van Zjustisie van de Europese Unie) | Europese Centraal Bank | Europese Raekenkamer
Europese insjtèllinge die neet ónger de bevoogheid van de EU valle: Raod van Europa | IOMTBM