OLS

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


De raek mèt dao-op de bölkes

OLS sjteit veur "Oud Limburgs Sjöttersfiès" (Oud Limburgs Schuttersfeest). De gesjiedenis van dit fiès geit truuk nao de jaore 60 van de 19e ièw. Tot 1905 waor 't bekènd es 't Groat Internationaal Sjöttersfiès. Es op 24 juni 1906 in 't dörp Bögkeme (Buggenum) de sjöttersjwedsjtrieje were georganiseerd, viert de plaatselike sjötterie Sint Aldegundis häör 400-jaorig besjtoon. Aan de benaming weurt in dat jaor 't weurdsje Oud toegevoog in de beteikenis van traditioneel.

Op daen daag, sóms ouch nog ’t volgend weekend, zölle Belsj- en Nederlands Limburgse sjötterieje ’t tegen ein opnumme in sjeetwedsjtrieje. De wedsjtried besjteit oet ’t, gezamelik es zèstal oet ‘n vereiniging, zoaväöl meugelik houte bölkes van ‘ne hoage sjeetboum aafsjete. De sjötterie die wint zal ’t volgend jaor ’t evenement maoge organisere, meh maog vief jaor neet mètdoon.

Defilé[bewirk | brontekst bewerken]

‘t Fiès begint mèt ‘ne kleurrieke optoch van 165 deilnummende sjötterieje. Kleurriek vanwege de prachtige uniforme die de lede van de sjötterieje aan höbbe, daotösje de keuninge mèt hun zilvere keuningsplate op de boek, de keuninginne in hun cocktailkleier, wapperende pluumvaere op de heud van generaal en officere. De Sjötterieje presentere ziech op hun sjieks, ze loupe op de maot van d’n drumband in sjtrange reigelmaot. Veurop e mini-sjötterke dat de naam van de vereiniging in de heng dreug, dan de vaandeldrager mèt de vereinigingsvaan woa-op de besjermheilige sjteit aafgebeeld. ’n Aantal marketensters dreug ’n mangel mèt ete en aels verborge ónder ’n dèkservèt. ’t OLS trèk zoa’n 50.000 bezeukersj, die kiekentaere langs de kant van de weeg sjtoon of later aanwezig zint op de sjteetwei.

d'n Um[bewirk | brontekst bewerken]

De trofée dae gewonne weurt heisj ‘d’n Ouwe Limburger’. Bie de versjlaaggeving door de regionale radio ies oats debenaming ‘d’n Um’ ontsjtange, vanwege ’t ummer weer enthousias oetrope van: “Veer höbben ‘m” door de winnende sjötte. Bie dees folklaore ies ’t winne van d’n UM eve belangriek es ’t individueel winne van ’t jaorliks keuningssjete binne de vereiniging. Keuning weurt daegeen dae de (houte) vogel aafsjuut. Wae die prestatie drie kièr achterein deit, weurt keizer.


Organisatore[bewirk | brontekst bewerken]

Veur 't ièrsj löp ouch 'ne Duutsje sjöttersgroep mèt in de Optoch. Dizze sjöttersgroep sjuut evvel neet mèt. De Duutsje sjöttersgroep is samegesjtèld oet vereiniginge van de grensgemeintes Zelfkant en Waldfeucht en de deilname is meugelik gemaak door Euromosa, 'n grensneuversjeiend samewèrkingsverband tösje de gemeintes Ech-Zöstere, Mezeik, Zelfkant en Waldfeucht.

  • 2009 : Naer St. Sebastianus. Hun moto: "Gaer nao Naer"
  • 2010 : Grevors (Grubbenvorst) St. Jan
  • 2011 : Stokkem (B) St. Elisabeth
  • 2012 : Ellikom (B) St.Harlindis & St.Relindis
  • 2013 : Rooj (Stramproy) St. Antonius
  • 2014 : Beeg-Papenhaove Eendracht

Kinger OLS[bewirk | brontekst bewerken]

't Kinger-OLS woort veur 't ièrsj georganiseerd in Wessem.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=OLS&oldid=359717"