Mael (dörp)
Dit artikel is gesjreve in 't Maels. 't Weurt gewaardeerd óm in dit artikel 't Maels aan te hauwe of aan te gaeve welk anger dialek gebroek is.
Mael (officiële naom Meijel) is 'n dörp in de Nederlands Limburgse geminjte Pieël en Maas, gelege tusse Venlo en Wirt. Op 1 januari 2004 ha de toenmalige geminjte 5.830 inwoners; 't landoppervlak war 20 km². Besjèrmheilege is Sinterklaos.
[bewirk] Historie
Mael, in de Middeliewe as Medele opgetikkend, hè laang in isolatie verkierd. De historie van de geminjte is nao de Middeliewe ok wizzelik anders as die van alle platse in de umgaeving. 't Kortbij Deurne góng nao 1648 bij de Generaliteitslen (de wingeweste van de Republiek van Zeuve Verinnegde Nidderlaand) hüre en Helde hürde nao de Spanse Successieoorlog bij Pruse, terwijl Mael nao de Oosteriekse Nidderlaand góng.
Vanaf 2010 makt Mael dil utj van de neij geminjte Pieël en Maas, worin ok de geminjtes Bree, Helde en Kessel zin opgegao. Mael war de innege geminjte die tege dizze fusie verzèt booj. Ènvankèlek war de rao tege: alliën de Maelse Volkspartij (MVP) en de VVD, same goe vur drei van de èlf zedelere, stèmde vur. Latter veranderde evels 't CDA (drei zedelere) van minning, wa 'n mierderhidj makte. Alliën FWM/PvdA, mi vijf zedelere de grötste fractie mèr dus ginne mierderhidj, blif tege.
[bewirk] Dialekt
't Maels plat is dur z'n bèzonder historische pesitie uniek van karakter: nie alliën is 't dudjelek 'n uverganksdialekt van 't Limburgs nao 't Braobants en Gelders-Kleverlands - dè gelt vur miër dialekte - ok hi 't 'n unieke combinatie van kènmerke.
