Heitse

Dit artikel is gesjreve in 't Heitsers. 't Weurt gewaardeerd óm in dit artikel 't Heitsers aan te hauwe of aan te gaeve welk anger dialek gebroek is.

---

Locatie vaan Heitse veur de opheffing

Heitse (Nederlands Heythuysen) is 'n dörp in de Nederlands-Limburgse gemeindje Leudaal.

Heitse haet 'n dörpskèrk oet 1504; die waerdje in 1927 opgebouwdj door de Remundjse arsjitekt Caspar Franssen. Naeve de kirk steit 'n Mariakapel oet 1851.

Tot 1 januari 2007 waor Heitse 'n zelfstandige gemeindje mèt 'n oppervlak van 56,40 km² die ouch nog de kèrne Baoksem (Baexem), Gratem (Grathem), Kelpe en Oler omvatje. De gemeindjes Baoksem en Gratem woare in 1991 toegeveugdj. Wie Heitse mèt Hale, Hunsel en Rogkel en Naer fuseerde tot 't Leudaal haai ze ongeviêr 12.000 inwoëners.

Traditie

• 't Oadjaorszinge mèt aodjaorsleedjes, op 31 december, door de kinjer van de sjoël, trèkkend langs de hoeze. Dit wirdj sinds ut joar 2001 ouch door de oajere jeugd gedoan, allein wirdj d'r den gezônge veur 'n fles beer.
• Eder jaor mèt de carnaval waerdj symbolisch de "kwakkert" mèt de kop in 't moeras geduudj.
• Mèt halfvaste waertj geveerdj det de Kwakkert twieësjlachtig is. 't Kwakkertebeeldje op de Dörpsjtraot waerdje in 't verlede den licht róse gevérfdj. Tegewoordig gebroektj men daoväör 'n replica. Vanaaf 2007 waertj dae eder jaor aan Amsterdam gesjónke óm mèt te reize in de jaorlikse gay-parade.