Kèsing

Dit artikel is gesjreve in 't Kèsings. 't Weurt gewaardeerd óm in dit artikel 't Kèsings aan te hauwe of aan te gaeve welk anger dialek gebroek is.

---

Martinuskirk oppe neerhof (motte) mèt opperhof oppe achtergrôndj

Kèsing (Hollanse naam: Kessenich) is 'n dörp en deilgemeintje van Kinder in Belsj Limburg. Kèsing is 't meist noordoëstelike dörp van Belsj, en grensjt zoewaal in 't noorde es 't oëste aan Hollandj. In 't oëste is de Maas 'n nateurlike grens, in 't noorde ligge de dörpe Toear, Ittervoort en Itter.

Kèsing waas tot de annexatie door Frankriek in 1795 'n onaafankelike vriej hiërlikheid.

De barons Michiels van Kèsing verbleve hiej lange tied op de Berg, nen aangelagdje heuvel in 't centrum. Later verhoesjde der nao 't kastiël Borgitter tege de grens met Itter. Ôndanks de naam wore de Michielse gein hiër euver 't onaafankelike Kèsing.