De Berg
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Bergs, as te dit dialek sjpriks.
De Berg of G'n Berg (Nederlands Ubachsberg) ies 'n dörp in de gemeinte Voelender in Zuud Limburg. 't Dörp ies hoag gelege, op 'ne berg. Waeg die nao bove loupe heisje: de Kunderberg, de Pötberg (bekènd van 't fietsrenne), en de Bergse waeg. Hie en op Vrouwehei bevinge ziech orchidee- en natuurreservate. 't Oetziech vanoet Gen Berg ies wieds, bekans tot Aoke en in de umgeving zint miè es 50 kèrktores te óndersjeie. D'r liegke 1000 weuninge, woa-in in 2002 2500 luuj wone.
Inhawd |
[bewirk] De buurtsjappe
[bewirk] De naam
De oudste vermelding van dees plaats, mèt de naam Ubac, sjtamp oet 1234. In 't Frans beteikent Ubac de sjièmzie van 'ne berg, de op 't noorde geriechde helling, de kant van 'ne heuvel woa noats de zón kump. Ubac is ouch 't gemeinsjappelik pseudoniem van de Belzje sjrievers van Génération Fourons, 'n Franstalig waerk euver de Voerkwestie.
In De Berg bevindt zich ein van de twiè Limburgse Michelin-twièjterrerestaurante: De Leuf.
[bewirk] Bezeenswaerdig
'n Aantal häöf en hoezer ies geboewd van kundersjtein.
De katholieke kèrk haet deile oet de Mieddelièwe. In 1841 were 't sjeep en de tore geboewd. In 1924 weurt aan 't einbeukig, baksjteine zaalkèrkske, 'n oastelik deil en haufrónne absis van kundersjtein aangeboewd in neo-romaanse sjtiel.
De windmeule op de Vrouwehei, van 't type beltmeule, dateert van 1857. Ze liek eigelik miè in de buurt Mingesjborg, op 'ne tuup van 215 maeter. Ze ies de hoags gelege windmeule van Nederland. In de lètste daag van de Twiède waereldoorlog höbbe Ingelsje soldaote 't geboew 'per óngelök' in brand gesjtoke. In 1980 ies begoes aan 'n 10 jaor lang restauratie.
De wiengaarde van 't wiengood Frómberg zint aangelag in 1991. Wiensoorte: Auxerrois, Müller Thurgau, Reichensteiner, Riesling en Pinot Noir.
't Gehuch Frómmerig (Fromberg) bevingk ziech lièger aaf in de buurt van Eëtenake
[bewirk] Evenemente
Kèrmes weurt gehoute op 'ne zóndig rónd 10 augustus.
[bewirk] Dörpsvereiniginge
- Fanfare Sint Cecilea opgeriech in 1909
- Sjötterie Sint Hubertus oet 1843
- Carnavalsvereiniging de Durchströpere
|
|
 |
|---|---|
| Dörper: De Berg | Klumme | Kunder | Ranzel | Voelender | |
| Buurtsjappe en gehuchte: 't Breer | Dolberg | Frómmerig | Gerieësjbrich | Geweustrao | Koalmet | De Koeële | Krawbich | Luuëbesj | Mingesjborg | Opsjuuëmer | Termaar | Termoorsj | De Uuëverhieëk | Windjhage | |
