Kelpe-Oler
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Kelpes, as te dit dialek sjpriks.
Kelpe-Oler (Nederlands: Kelpen-Oler) is e dörp in de Nederlands-Limbörgse gemeinte Leudaal, mèt (1 januari 2008) 1185 inwoeners, kortbij Èl en in de buurt vaan Baoksem, Gratem en Hunsel. Vaanajds bestoont 't dörp oet twie gehuchte: Kelpe en Oler. Sjötspetroen is Lidwina vaan Schiedam.
[bewirk] Historie
Kelpe en Oler, al in de prehistorie bewoend, weure allebei veur 't iers geneump in 1329 in 'ne breef vaan Gerard vaan Häör. De plaoste weure villa geneump, wat 'gehuch' of 'naobersjap' wèlt zègke, en Graadt gief ze in lien aon Wöllem vaan Gulik. De 'villae' hure daan bij Wèssem.
Vaanaof 1818 weure de twie gehuchter ingedeild bij de nui gemeinte Gratem.[1] In 1934 verlient de bisjop vaan Remun de twie plaotse same de status vaan parochie, boenao in 1936 de parochiekèrk (vaan Jos Cuypers en Pierre Cuypers jr.) veerdeg kump. Um de kèrk, die iers nog los in 't weiland steit, oontwikkelt ziech 'nen dörpskern, die de twie gehuchte aonein deit smelte. In 1991 kump Kelpe-Oler, wie de res vaan de gemeinte Gratem, bij Heitse te hure; vaanaof 2007 is 't 'ne woenkern vaan Leudaal.
