Friesland

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Provincie Friesland (Fryslân)
Vlag van de provincie Friesland
(Vlag vaan Friesland)
Ligking van de provincie Friesland
Officieel taole Fries, Nederlands
Hoofstad Leeuwarden
Commissair van
de Keuning
John Jorritsma
Oppervlak
 - Totaal
 - Waoter
1e
5.741 km²
41%
Inwoeners
 - Totaal
 - Diechheid
8e
642.066 (1 jan 2004)
111 inw./km²
Geografische ligking 53°20' NB 5°78' OL
Volksleed De âlde Friezen

Friesland (officieel Fryslân) is 'n provincie in 't noorde vaan Nederland. Nao oppervlak is 't de ierste provincie vaan Nederland, meh 41% vaan dat oppervlak is full-time of part-time water. De provincie grèns aon Groninge, Drente, Euverijssel, Flevoland en Noord-Holland. De provincie kint veer bewoende (Wadden-)eilen: Vlieland, Terschelling, Ameland en Schiermonnikoog.

Taole[bewirk | brontekst bewerken]

Friesland is 't toesland vaan de twiede officieel taol in Nederland: 't Fries. 't Weurt door get mier es de helf vaan de Frieze gesproke. De Stellingwerve, 't zuidooste vaan Friesland, zien vaanajds neet Friestaoleg meh Saksischtaoleg. In de stei en groete plaotse die in de Renaissance veurnaom waore weurt sinds viefhoonderd jaor e Nederlands dialek gesproke: 't Stadsfries, dat erreg door 't Fries beïnvleujd is. Algemein Nederlands kump ummer mier in gebruuk ten koste vaan de versjèllende streektaole.

Gemeintes[bewirk | brontekst bewerken]

Sinds 2011 kint Friesland nog 27 gemeintes. Boe de Friese naom officieel es en de Nederlandse traditioneel, is d'n ierste tösse häökskes gezat.

De Friese gemeintestructuur waor altied al väöl groetsjaoleger es die in de res vaan 't land, umtot de Friese gemeintes vaan de negentiende iew de opvolgers waore vaan de èlf stei en de grietenije boe-oet 't gewes al iewelaank bestoont. Gei dörp is oets zelfstendeg gewees. Gemeinteleke herindeilinge vaan beteikenis, wie die in aander provincies dèks veurkoume, höbbe daodoor allein plaotsgevoonde in 1984 en 2011, wie de hiel groete fusiegemeinte Súdwest Fryslân op de kaart kaom. Gaasterland-Sloten, Lemsterland en Scharsterland dinke nog noa euver 'n fusie. Ouch de gemeinte Boornsterhem zouw mote verdwijne; de planne zien um de dörper per 2013 te verdeile euver de naobergemeintes.[1]

Zuug veur e gans euverziech Lies vaan geweze gemeintes in Friesland.

Referenties[bewirk | brontekst bewerken]

  1. www.boarnsterhim.nl


Provincies van Nederlandj
Drenthe | Euverijssel | Flevolandj | Frieslandj | Gelderlandj | Groninge | Limburg | Noord-Braobantj | Noord-Hollandj | Utrei | Zielandj | Zuud-Hollandj
Gemeintes | Watersjappe
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Friesland&oldid=348345"