Zuid-Holland

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Provincie Zuid-Holland
Vlag vaan de provincie Zuid-Holland
(Vlag van Zuid-Holland)
Ligking vaan de provincie Zuid-Holland
Hoofstad D'n Haag
Commissaris vaan de Keuningin Jan Franssen
Oppervlak
 - Totaal
 - Water
7e
2.944 km²
?%
Groetde nao inwoeners
 - Totaal
 - Diechheid
1e
3.451.942 (1 jan 2004)
1.225 inw./km²
Geografische ligking 52°08' NB 4°30' OL
Volksleed Zuid-Hollands volkslied

Zuid-Holland is 'n provincie in Wes-Nederland. 't Is mèt aofstand de groetste provincie vaan Nederland nao inwoeners. Mier es de helf vaan de Randstad ligk hei. De meiste inwoeners zien geconcentreerd in en roond de kerne Leiden, D'n Haag, Rotterdam en Dordrech, die inmiddels bekans of gans aoneingegreujd zien. Mie landeleke gebeie zien 't Wesland, 't Greun Hart, De Hoekse Waard en Goeree-Overflakkee.

Gemeintes[bewirk | brón bewèrke]

Zuid-Holland kint sins de lèste herindeiling (2015) 60 gemeintes.

In gein ander Nederlandse provincie zien zoeväöl gemeintes opgeheve en heringedeild es zjus in Zuid-Holland. In de negentiende iew had de provincie nog paar hoonderd gemeintes. Dit kump doortot de plattelandsgemeintes in dees provincie de rechsopvolgers zien vaan de ambshierlekhede in 't gebeed. Eder dörp en zelfs väöl gehuchte hadde oonder 't "ancien regime" 'nen eige hier gehad. Dit steit in tegestèlling tot beveurbeeld Friesland, boe me de vaanaajds groetsjaole grietenije mèt väöl neet-zelfstendege dörpkes tot gemeintes maakde. In 't Keuninkriek bleke de väöl landeleke gemeintes mèt mer e paar inwoeners neet te handhave. Daobij zien väöl dörper opgeslók door de ziech zjus in dees provincie ummer oetbreiende stei.

Veur de kortbij touwkóms stoon, veural in 't Greun Hart, nog e paar fusies op 't program. Zoe verdwijne woersjijnelek Waddinxveen (touw te veuge aon Gouda); Bergambacht, Nederlek, Ouderkerk, Schoonhoven, Vlist en mesjiens Krimpen a/d IJssel (fusie tot nui gemeinte Krimpenerwaard); Graafstroom, Liesveld en Nieuw-Lekkerland (fusie tot gemeinte Kinderdijk) en Dirksland, Middelharnis, Oostflakkee en mesjiens Goedereede (tot ofwel gemeinte Overflakkee, ofwel gemeinte Goeree-Overflakkee; Goedereede is veurluipeg tege). In de regel (Goedereede is 'n oetzundering) zien dees sameveuginge vrijwèlleg, d.w.z. mèt instumming vaan de gemeinteraode. 'n Klein gemeinte die ziech manifes tege herindeiling (i.c. mèt Leiden) verzèt is Zoeterwoude.

Zuug veur details de lies vaan geweze gemeintes in Zuid-Holland.
Zuug veur e gans euverziech vaan alle stei en dörper in de provincie Lies vaan plaotse in Zuid-Holland.

Historische inwoenertalle[bewirk | brón bewèrke]

Zuug ouch: Oetsleeg vaan volkstèllinge in Zuid-Holland
Jaor Aontal Greuj
1830 479.737[1] --
1840 526.020[2] +9,6%
1849 563.425[3] +7,1%
1859 617.199[4] +9,5%
1869 688.204[5] +11,5%
1879 803.619[6] +16,8%
1889 949.641[7] +18,2%
1899 1.144.448[8] +20,5%
Jaor Aontal Greuj
1909 1.390.744[9] +21,5%
1920 1.678.670[10] +20,7%
1930 1.957.578[11] +16,6%
1947 2.284.080[12] +16,7%
1956 2.587.142[13] +13,3%
1960 2.706.810[14] +4,6%
1971 2.981.200[15] +10,1%
Opmerkinge
  • In 1830 bestoont de bestuurleke provincie Zuid-Holland nog neet, meh de volkstèlling vaan 1830 is pas achteraof opgemaak. Daobij woorte zelfs al in 1830 gesjeie statistieke bijgehawwe.
  • 't Getal veur 1971 is aofgerund op e gans hoonderdtal.
Rillatief oontwikkeling vaan 1830 tot 1971

(v1830=100)

Rifferenties[bewirk | brón bewèrke]

  1. Volkstèlling 1830
  2. Volkstèlling 1840 - Zuid-Holland
  3. Volkstèlling 1849 - Zuid-Holland
  4. Volkstèlling 1859
  5. Volkstèlling 1869
  6. Volkstèlling 1879 - Zuid-Holland
  7. Volkstèlling 1889 - Zuid-Holland
  8. Volkstèlling 1899 - Zuid-Holland
  9. Volkstèlling 1909 - Diechheid vaan de bevolking
  10. Volkstèlling 1920
  11. Volkstèlling 1930 - Bevolking, oppervlaakde en diechheid vaan de bevolking in de nege gróppe vaan gemeintes, de èlf provincies en 't Riek nao de situatie vaan 31 december 1930
  12. Volkstèlling 1947 - 't Totaol bevolkingsciefer
  13. Woeningtèlling 1956
  14. Volkstèlling 1960 - Bevolking, hoeshawwes en gezinne en hoesvèsting
  15. Volkstèlling 1970 - Bevolking nao geslach, leeftied en börgerleke staot

Externe link[bewirk | brón bewèrke]


Provincies van Nederlandj
Drenthe | Euverijssel | Flevolandj | Frieslandj | Gelderlandj | Groninge | Limburg | Noord-Braobantj | Noord-Hollandj | Utrei | Zielandj | Zuud-Hollandj
Gemeintes | Watersjappe
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Zuid-Holland&oldid=368770"