Vlieland

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Vlieland in Friesland

Vlieland is e Wadde-eiland en 'n gemeinte in de Nederlandse provincie Friesland, noordoostelek vaan Tessel en westelek vaan Terschelling, mèt 'n oppervlak vaan 315,19 km2 (daovaan 275,78 km2 water of wad) en per 1 januari 2007 1135 inwoeners. 't (Eineg) dörp op 't eiland hèt Oost-Vlieland.

Vlieland waor tot 1287 min of mie mèt 't vasteland verboonde, tot 't oetindelek hielemaol vaan de vaste wal losraakde. 't Huurde vaanajds bij Wes-Friesland, 't gebeed wat in de middeliewe oonder Hollandse hiersjappij kaom. 't Verloor daan ouch al vreug de Friese taol, wat verklaort tot Vlieland vaandaog d'n daag eintaoleg Nederlands is. Ouch in later tije waore de bewoeners mier op Tessel es op 't Fries vasteland geriech. In vreuger tije waore dao twie dörpskerne: neve Oost-Vlieland gaof 't ouch West-Vlieland. Dit dörp verdween in 1736 definitief. In 1942 woort 't eiland, tegeliek mèt Terschelling, vaan Noord-Holland bij Friesland gevoog.

Vlieland is 'n klein en vrij geïsoleerde gemeinsjap - 'n isolemint wat versterk weurt door 't otoverbod op 't eiland. Toch is 't toerisme ouch hei e belangriek middel vaan bestoon. 't Groetste deil vaan 't eiland besteit oet duine, die, boete veur de natuur, ouch belaank höbbe es militair oefenterrein. De Vlielanders spraoke vreuger e hiel apaart Hollands (Wesfries) dialek, 't Vlielands, wat nog 't mies op Tessels liekende. Dit is intösse (sinds 1993) gans oetgestorve.

Extern links[bewirk | brontekst bewerken]

Gemeintes Provincie Frieslandj

Achtkarspelen | Ameland | 't Bildt (Het Bildt) Dantumadeel (Dantumadiel) | Dongeradeel | Ferwerderadeel (Ferwerderadiel) | Franekeradeel | De Friese Meren | Harlingen | Heerenveen | Kollumerland en Nieuwkruisland | Leeuwarden | Leeuwarderadeel | Littenseradeel (Littenseradiel) | Menaldumadeel | Ooststellingwerf | Opsterland | Schiermonnikoog | Smallingerland | Súdwest-Fryslân | Terschelling | Tietjerksteradeel (Tytsjerksteradiel) | Vlieland | Weststellingwerf

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Vlieland&oldid=339949"