Heerenveen

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Hereveen in Friesland

Heerenveen (Fries It Hearrenfean) is 'n greujstad en gemeinte in 't zuie vaan de Nederlandse provincie Friesland. 't Aontal inwoeners bedroog per 1 juni 2005 42.590 (woevaan zoeget 30.000 in de hoofplaots); 't oppervlak bedroog veur 2014 140.15 veerkante kilometer, woevaan 4,97 km2 water. Neve de hoofplaots Heerenveen kint de gemeinte (in aofloupende orde vaan gruutde, mèt de Friese naome tösse häökskes) Jubbega (Jobbegea), Nieuwehorne (Nijehoarne), De Knijpe (De Knipe; dit is de einige plaots in de gemeinte woe de Friese naom d'n officiëlen is), Oranjewoud (Oranjewâld), Hoornsterzwaag (Hoarnstersweach), Oudehorne (Aldehoarne), Mildam (Mildaam), Tjalleberd (Tsjalbert), Katlijk (Ketlik), Luinjeberd (Lúnbert), Bontebok, Gersloot (Gersleat), Terband (Terbant), Oudeschoot (Aldskoat) en Nieuweschoot (Nijskoat); sinds 2014 hure ouch Haskerdijken (Haskerdiken), Nes), Nieuwebrug (Nijebrêge) en Oldeboorn (Aldeboarn) bij Heerenveen.

Stadsfuncties[bewirk | brontekst bewerken]

De stad Heerenveen is e belangriek regionaol verzörgingscentrum veur zuidelek Friesland, en ouch veur Lemmer, Joure en Wolvega. Nationaal bekind is Heerenveen door 't iesstadion Thialf, woe veural sjaatswedstrije gehawwe weure.

Stadsgeziech[bewirk | brontekst bewerken]

Heerenveen waor vaanajds e kenaaldörp; oet deen tied zien nog inkel monuminte bewaord gebleve. Veural inkel states, woe-oonder de Crackstate, 't later gemeintehoes, zien de meujte vaan 't bezien wierd. Wijers kint de stad veural väöl nuibouw. De gemeinte ligk op de grens vaan de Friese Kleistreik en de Friese Woude.

Historie[bewirk | brontekst bewerken]

Heerenveen, gestiech in 1551 door inkel hiere (nao wee de plaots geneump is) die de törfgroond aonkochte, is de ajdste hoegveenkolonie in Nederland. Veur d'n aofveur vaan 't veen woorte kenale gegraove, wie de nog bestoonde Heresloot. Later, wie d'n törf opraakde, zouw de plaots veural landbouwbeteikenis kriege en zouw de törfproductie ziech nao Drente verplaotse. Evels doort 't nog laank ietot de plaots zelfstendegheid krijg, umtot me bij de stiechting vaan 't keuninkriek der Nederlen vashèlt aon de aw Friese grietenije. Pas in 1934 weurt Heerenveen 'n echte gemeinte. Door 'n greuj in de industrie maak de hoofplaots in de twintegste iew 'n greuj tot klein stad door.

Extern linke[bewirk | brontekst bewerken]

Gemeintes Provincie Frieslandj

Achtkarspelen | Ameland | 't Bildt (Het Bildt) Dantumadeel (Dantumadiel) | Dongeradeel | Ferwerderadeel (Ferwerderadiel) | Franekeradeel | De Friese Meren | Harlingen | Heerenveen | Kollumerland en Nieuwkruisland | Leeuwarden | Leeuwarderadeel | Littenseradeel (Littenseradiel) | Menaldumadeel | Ooststellingwerf | Opsterland | Schiermonnikoog | Smallingerland | Súdwest-Fryslân | Terschelling | Tietjerksteradeel (Tytsjerksteradiel) | Vlieland | Weststellingwerf

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Heerenveen&oldid=352182"