Leeuwarden

Van Wikipedia
Gank nao: navigatie, zeuke
Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.

Locatie van Liewarde

Leeuwarden (Fries Ljouwert, Stadsfries Liwwarden) is de hoofsjtad van de Nederlandse provincie Friesland. Op 1 januari 2004 houw de gemeinte Liewarde 91.354 inweuners. 't Oppervlak bedroog veur de fusie vaan 2014 84.11 km2.

Sjtadsfuncties[bewirk | brontekst bewerken]

Es administratief cintrum van Friesland herberg Leeuwarden 'n aantal bestuursapparate, wie 't provinciehoes en d'n tribunaal. Sins de koms van de Achmea-tore, e hoonderd meter hoeg kentoorgeboew, is de sjtad ouch e veurnaom deenstecintrum.

Sjtadsgeziech[bewirk | brontekst bewerken]

Oldehove

't Sjtadsgeziech van Leeuwarden weurt gedómmeneerd door de ierder geneumden Achmea-tore. 't Awd symbool van de sjtad is de Oldehove, 'ne sjeif gezakde gotische tore zónder biebehurende kèrk. Wiejers sjteit dao de Bonifatiuskèrk, geboewd door de Limburgsen arsjitek P.J.H. Cuypers in neogotische sjtiel.

Historie[bewirk | brontekst bewerken]

Leeuwarden moot te lèste in de negende ieuw oontstoon zien, aon de Middelzie; 'ne later in de Middelieuwe ingepolderde zie-erm. Dao óntwikkelde ziech 'ne laevendegen handel op Oos-Europa. In 1435 verkraog de plaats sjtadsrechte.

In d'n Tachtegjaoregen Oorlog sloot de sjtad ziech aan bie de prins van Oranje. In de zeventiende ieuw kinde de sjtad groete veurspood en haw oongeveer 26.000 inweuners; mier es Greuninge op dat memènt. In de negentiende ieuw verveel de sjtad. Op vriedeg 16 november 1951 vónt hie de Kneppelfreed ("Knöppelvriedeg") plaats: gewelddadeg relle van Friestalege die veur 't gebroek van hun taal opkaome mèt de politie.

Es Gemeinte[bewirk | brontekst bewerken]

Limburgse naom Stadsfriese naom Friese naom Inwoeners
Leeuwarden Liwwadden Ljouwert 93.583
Goutum n.v.t. Goutum 2634
Wirdum n.v.t. Wurdum 1232
Wijtgaard n.v.t. Wytgaard 625
Lekkum n.v.t. Lekkum 468
Snakkerburen n.v.t. Snakkerbuorren 203
Hempens-Teerns n.v.t. Himpens en Tearns 191
Swichum n.v.t. Swichum 60

Bron: CBS
Sinds 2014 hure ouch bij de gemeinte: Roordahuizum (Roordahuzum), Friens, Irnsum (Jirnsum), Grouw (Grou), Idaard (Idaerd), Aegum (Eagum), Warga (Wergea), Warstiens en Wartena (Warten). Dees dörper koume vaan Boornsterhem; de Friese naome waore dao officieel.

Externe link[bewirk | brontekst bewerken]

Commons
Op de pazjena Leeuwarden van Wikimedia Commons zeen media gerelateerd aan dit óngerwerp te vènje
Gemeintes Provincie Frieslandj

Achtkarspelen | Ameland | 't Bildt (Het Bildt) Dantumadeel (Dantumadiel) | Dongeradeel | Ferwerderadeel (Ferwerderadiel) | Franekeradeel | De Friese Meren | Harlingen | Heerenveen | Kollumerland en Nieuwkruisland | Leeuwarden | Leeuwarderadeel | Littenseradeel (Littenseradiel) | Menaldumadeel | Ooststellingwerf | Opsterland | Schiermonnikoog | Smallingerland | Súdwest-Fryslân | Terschelling | Tietjerksteradeel (Tytsjerksteradiel) | Vlieland | Weststellingwerf

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Leeuwarden&oldid=352184"