Utrei (provincie)

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

---

Utrei provincie van Nederland
Hoofstad	Utrei
CvdK	Roel Robbertsen
Oppervlak - totaal - % Water	12e 1449 km² 4,3%
Inwoeners - totaal(2004) - Diechheid	5e 1.162.258 821/km²
Volksleed	Langs de Vecht en d'oude Rijnstroom

Utrei of Utrech (Nederlands Utrecht, Utrechs Uterech) is 'n provincie vaan Nederland, die oongeveer centraal in 't land ligk en nao oppervlak de kleinste vaan 't land is. Hoofstad is de gelieknaomege stad. De provincie is d'n opvolger vaan de wereldleke versie vaan 't bisdóm Utrei, wat in ziene glorietied, de elfde iew, väöl groeter waor. De provincie grens aon Noord-Holland, Zuid-Holland, Gelderland en Flevoland.

Gemeintes

Utrei kint sinds 1 januari 2011 26 gemeintes:

Amersfoort Baarn De Bilt Bunnik Bunschoten Eemnes Houten IJsselstein Leusden

Lopik Montfoort Nieuwegein Oudewater Renswoude Rhenen De Ronde Venen Soest Stichtse Vecht

Utrei Utreise Heuvelrögk Veenendaal Vianen Wijk bij Duurstede Woerden Woudenberg Zeist

Zjus wie in oonder mier Zuid-Holland en Zieland heet me begin negentienden iew in Utrei de gemeintes ingestèld es rechopvolgers vaan de aw ambachte. Umtot in Utrei evels neet zoeväöl plaotse waore es in Zuid-Holland, is 't aontal herindeilinge ouch minder groet gewees. Groetsjaolege herindeilinge voonte plaots in 1823 (veurstei vaan de stad Utrei), 1857 (versjèllende gehuchte en minimaol dörpkes), 1954 (umgeving stad Utrei), 1989 (westelek Utrei), 2006 (Heuvelrögk) en 2011 (Veen- en Vechstreek, d.w.z. noordwestelek Utrei).

In 2011 hejje ouch Renswoude, Woudenberg en Scherpenzeel (Gelderland) mote fusere, meh dat is oetgestèld umtot de fusie nao de val vaan 't kabinèt controversieel woort verklaord.

Zuug wijer lies vaan geweze gemeintes in Utrech.

Externe link

• Officieel website