Rhenen

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Rhenen in Utrei

Rhenen is e stedsje en 'n gemeinte gans in 't zuidooste vaan de Nederlandse provincie Utrei, gelege aon de Nederrien, mèt 'n oppervlak vaan 42,99 km2 (daovaan 1,28 km2 water) en (1 januari 2006) 17.995 inwoeners. Neve de stad Rhenen heet de gemeinte de kerne Achterberg, Elst, Laareind en Remmerden.

Rhenen is 'n bezeensweerdege plaots. Ze weurt gedomineerd door de laat-gotische Sinte-Cunerakèrk, mèt cultuurhistorisch belangrieken torie. In de umgeving ligke nog väöl laandgojer, die dèks es natuurrizzervaot deens doen. Kortbij de stad ligk ouch de Grebbeberg, mèt 't Ouwehands Dierepark.

Historie[bewirk | brontekst bewerken]

Rhenen heet ziene naom vaan de Rien; mesjiens is 't de in 855 geneumde "Villa Rheni". Volges de legende is de marteleerse Sinte Cunera hei door wörging vermaord. In de twelfde iew verkraog de bisjop vaan Utrei 't. Te lèste in 1364 kreeg de plaots stadsrechte. Daonao woort de stad herhaoldelek belegerd en vereuverd: door de hiere vaan Kleef (1499), door de heertog vaan Gelder (1527) en door de Fransoze (in 't "Rampjaor 1672"), die de stad zwoer besjaojegde. Bij d'n Duitsen inval in mei 1940 woort op de Grebbeberg hel slaag geleverd door de Nederlandse tróppe, wat oetindelek weer in enorm verweustinge rizzelteerde. Bij 't opheffe vaan de naobergemeinte Amerongen op 1 januari 2006 kraog Rhenen 't dörp Elst gans in han.

Externe link[bewirk | brontekst bewerken]

Provincie Utrei

Amersfoort | Baarn | Bunnik | Bunschoten | De Bilt | De Ronde Venen | Eemnes | Houten | IJsselstein | Leusden | Lopik | Montfoort | Nieuwegein | Oudewater | Renswoude | Rhenen | Soest | Stichtse Vecht | Utrei | Utreise Heuvelrögk | Veenendaal | Vianen | Wijk bij Duurstede | Woerden | Woudenberg | Zeist

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Rhenen&oldid=338995"