Wienesrao

Dit artikel is gesjreve (of begós) in 't Wienesroas. Laes hie wie v'r mit de versjillende saorte Limburgs ómgaon.

Vuurbörch en grach van Kesjtieël Wienesroa

Wienesroa (Hollendsj: Wijnandsrade; sjpreëk oet: Wieënesroaë) is e dörp in de gemeënte Baekdale in Zuud Limburg geleëge aan de Hölsbergerbeëk. Bis 1982 waor 't 'n zelfsjendige gemeënte daonao hoeërt 't bies 2019 bie de gemeënte Nut. Op 1 januari 2014 woeënde d'r 1.700 luuj i Wienesroa.

't Woerd roaë (aoch waal rade, rhode of rode) beteëkent, gerooide plek of óntginning. De naam beteëkent dus "'t óntgonne gebied va Wieënand". 't Dörp wuurt aoëch waal kort Roaë (Rode) genump.

Buurtsjappe

Buurtsjappe van Wienesroa zunt:

Kesjtieël en kèrk

't Kesjtieël aan d'r binneplei achter de inriejpaort in de vuurbörch

't Opvallendste geboew midde i Roaë, geleëge achter 'n grach mèt daoëvuur 'ne groeëte vieëver, is 't kesjtieël Wienesroa mèt vuurbörch, aoëch waal 't hoeës genump. 't Datiert oersjprunkelik oet 1544, meh 't is in d'r 18e ieëw ingrieëpend gerestaurierd.

Tösje kesjtieël en kèrk bevingk zich 'n motte, woeë-in zich de reste van 'ne Middelieëwse taore zouwe bevinge. Aoëch is hie 'n klein Lourdesgrötje.

De Sjteëveskèrk (Heilige Stephanus), neëve 't kesjtieël, is geboewd in d'r 17e ieëw, meh de parochie, woeë aoëch de buurtsjappe Zjwier, Vink en Laor bie hure is ouwer. Naoë d'r Twieëde weëreldoerlog is d'r taore vernuujd en 't sjeëp woert doeë aoëch groeëter gemak.

'n Kapelke op 'n sjplitsing aan d'r weëg nao Hunnekem wuurt 't Sjteëveshuuske (aoëch gewiejd aan Stephanus) genump.