Houtem (Zittert-Gelaen)

Dit artikel is gesjreve (of begós) in 't Bors. Laes hie wie v'r mit de versjillende saorte Limburgs ómgaon.

---

Houtem (Nederlands: Holtum) is 'n dörp in de gemeinte Zittert-Gelaen in Nederlands Limburg. Houtem is gesitueerd aan de Gelaenbaek en taenge 't Julianakanaal. In 2003 wone d'r 1400 luuj. De naam kump van heim (nederzètting) in 't hout (bösj).

Bezeenswaerdigheje

• De monumentale RK Sint Martinuskirk is 'n driebeukige basiliek geboewd róndj 1887 door Johannes Kayser en haet 'n róndj geslaote koar. De ziebeuke en de sacristie zint in 1936 toegevoog. De mergelsjteine taore is oarspunkelik oet de 13e eëuw en haet 'n klok oet 1646 die gegaote is door Frans en Jacob van Trier.

• Hoes Houtem is 'n ómgrach heërehoes oet 1623.

• Kesjteël Wolfrath, veur 't eësj vermèld in 1386, is 'n ómgrach geboew oet 1628 mèt 'ne Neerhoaf en is omgaeve door 'n park.

• De Poolmeule is 'n watermeule aan de Gelaenbaek en is in 1662 geboewd es kaoremeule.

Buurtsjappe

De buurtsjap Gebrook (Nederlands: Gebroek) huèrt bie Houtem. Veur 1982 huèrt 't bie de gemeinte Zöstere. Daonao bie de gemeinte Bor.

• De veurmalige buurt Klein Houtem ies nao de herindeiling es sjtraotnaam opgegange in 't dörp Buchte.
• 'n Anger Houtem lik bie Valkeberg, zuug Houtem (Valkeberg)
• 'n Anger Gebrook (Nederlands: Hoensbroek) ligk in de gemeinte Heële (Heerlen)