Sjipperskèrk

Dit artikel is gesjreve (of begós) in 't Beegs. Laes hie wie v'r mit de versjillende saorte Limburgs ómgaon.

---

Sjipperskèrk of Sjipperskirk (Nederlands: Schipperskerk) is 'n dörp in de gemeinte Zittert-Gelaen. Tot 1982 huèrde 't bie de gemeinte Obbeeg en Papenhaove. Tösje 1982 en 2002 tot de gemeinte Bor. 't Dörp is gelege op 'n eiland tösje 't Julianakanaal en de Maas. De naam kump van de veurmalige, hie gelege, Sjipperskèrk.

• D’r staon ongeviër 72 hoezer.
• De graotste straot van de Sjipperskirk is de Medealaan.
• Gelegen aan de Berghaven (de Berghaven is verbónje mit ‘t Julianakanaal)
• De kirk lig aan het Sterre-der-Zee-plein, unne geluivige naam welke auch de verbonjeheid mit de kirk en de sjippers van de Berghave läöt zeen

Naamgeving

De naam van ‘t gehucht kump van de väörmalige sjipperskirk, die centraal stuit in t plaetske. In dit kirkske koosjte sjippers en hun families terrech, vanwaege de ligging neave de have van Bor, aan ‘t Julianakanaal. De kirk duit gein deens meer, mér wurt noe gebroek as bloomezaak en expositieruimte. Ouch bestuit der un meugelikheid om te euvernachte in de Bed & Breakfast. Allein ’t kruus en de klókke zeen weggehaold, mer väör de res is de kirk nog in gooj konditie en ein gróate trékpleister väör fitsend Limburg

De buurt(-vereiniging)

De Sjipperskirk heat ein eige buurtvereiniging en biejbehüërend buurthoes, wat de naam ‘de Keet’ draag. Jeder jaor weare dao väöl activiteite en fiëste georganiseerd ten behoeve van buurtvereiniging ‘De scheepsbel’. Ouch de plaatselike hermenie, Kapel Eige Wies oefent in t buurthoes. Ouch head Sjipperskirk in het verleeje ein broesende vastelaovesvereiniging gehad. Meerdere kiëre woorte der gróate prieze benne gesjleip in de gróate optoch van Beeg. Mer helaas is door wegvalle van trouwe wageboewers en vastelaovesvierders is de echte elan van weleer ein tiedje verdwene geweas. Mer gelökkig is sinds 2008 weer animo om mét te doon, noe onger de naam van de Scheepsbel, weer groat genog. Der zeen enkele trofees en fotos te bewonjere in de Keet.

Ontgrinjinge

In de nabije toekoms zulle gróatsjalige ontgrinjinge plaatsvenje in de omgeving van de Sjipperskirk. Der wurdt dan ouch väöl äöverlas verwach in de toekoms. Met name ’t toenummende vrachverkiër en geluidsäöverlas zulle volkes de critici ein gróate rol gaon sjpele in de toekoms van Sjipperskirk, Beeg en omstreke.