G'n Heisterbrök

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Sjènnes, es te dit dialek sjpriks.

---

G'n Heisterbrök (Nederlands: Heisterbrug) is 'n buurtsjap van Sjènne in de gemeinte Baekdale in Zuud Limburg.

De beboewing is gelaege rónd de gelieknamige waeg Heisterbrök en bejteit oet ca 50 hoezer (2002). 't Gehuch bevingk zich in 't dal van de Gelaenbaek aan de voot van de Pötterberg.

Bezeenswaerdig

• 'n Aantal rieksmounumente:
  • Kesjtièl Terborg of hoes Sjènne, is 'ne miedelièwse börch mèt 'ne 17e ièwse haof, die same op 'n motte ligke. Róntelum bevingk zich 'n grach.
  • 'n Watermeule op de Gelaenbaek
  • De hoezer Zandberg 1 en Heisterbrök 34
• 'n Geetiezere waegkruus op 'n krusing aan de Meulewaeg. Neve dit ouwer waegkruus sjteit 'n baksjteine kapel oet 1959 gewiejd aan Maria van Banneux.