Guy Verhofstadt

Van Wikipedia

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Guy Verhofstadt

Guy Verhofstadt, Dendermonde, 11 april 1953 is 'ne Belzje politicus van de Open Vlaamse Liberalen en Democraten (Open VLD). E waor driej kieër premier va Belsj:

  • Verhofstadt I, 12 juli 1999 -2003, paarsgreun
  • Verhofstadt II, 2003 - 2007, paars
  • Verhofstadt III, va 17 december 2007 bies 23 maart 2008 is Verhofstadt premier van 't interim-kabinèt cdH, MR, PS en Open VLD en CD&V.

Polletiek carrière[bewirk | brón bewèrke]

Beginjaore[bewirk | brón bewèrke]

Nao de Middelbaar Sjoeël gong Verhofstadt rechte sjtudere in Gent. Z'n polletiek carrière begoes-e bie de sjtudaenteklup LVBV. Es pupil va Willy De Clercq koes-e opklimme in de partiej.

  • In 1976 waoërt-e gemèngedraodslid en in
  • 1979 nationaal väörzitter van de PVV-jongere.
  • In 1982 waoërt Verhofstadt nationaal väörzitter van de PVV.

Da Joenk[bewirk | brón bewèrke]

  • In 1985 waoërt e verkaoze es volksvertaegewoordiger en op 28 november waoërt-e minister va begroting en Wetensjappelek Oonderwies in Martens Vl. Verhofstadt veurde 'n sjtreng neo-liberaal beleid en sjtaambde taege 'n aantal Belzje hèllige huuskes. E zat de privatisering van de ASLK dör en probeerde de mach van de ziekekasse te beknotte.
  • Op 19 oktober 1987 vool dit kabinet officieel över de Voerkwestie ofwaal de kwestie Happart. Later is geblaeëke dat de aversie vör Verhofstadt oet syndicale hook ( m.n. 't ACV, d'r Christeleke Vlamsje vakboond) 'n aeve belangrieke rol haat gesjpeld. Kiek ooch de Poupehan-affaire.

Op 13 december 1987 kraeg-e mieë väörkeurssjtèmme wie Wilfried Martens (doe CVP), dae evvel 'n coalitie vörmde mèt de socialiste.

Burgmanifest[bewirk | brón bewèrke]

In 1989 sjreef Verhostadt z'n örsjte Burgermanifest oeë-in dat-e sjtèlde dat in de Belzje democratie neet d'r burger, mae oongriepbare drukkingsgroepe 't beleid bepale. Daonao sjreef-e in 1991 't twiede manifest D'r waeg nao polletieke vernuujing en dis twieë vormde d'r basis vör de ömvorming van de PVV nao de VLD in 1992. 't Sociale karakter van de liberale waoërt mieë nao väöre geplaazjd.

In totaal sjreef Verhofstadt veer Burgermanifeste. In 1994 Angs, aafgeuns en 't algemèng belang en in 2006 Pleidooi vör 'n aoëpe samelaeving.

Bie de nationaal verkiezinge in 1995 bookde de VLD wer winst en waoërt de twiede partiej va Vlaandere. De poging va Verhofstadt öm 'n regering mèt de socialiste te make mislukte.

Premier[bewirk | brón bewèrke]

In 1999 bookde de partiej wer winst en Verhofstadt makde 'n paars-greun regering mèt VLD, SP.A, MR, PS, Agalev (noe Groen!) en Ecolo en intieerde de aoëpe-debat-cultuur in 't laand en 't parlemaent.

Op 16 oktober 2000 waoërt 't Lambermontakkaoërd of de 5de sjtaotshervorming getekend. Verhofstadt zoch 'n 2/3 mieërderhèèd bie 't CDH (noe cdH) va Joëlle Milquet in ruil vör extra gaeld vör 't Katholiek oonderwies in Wallonië en de belofte dat Belsj 't Kaderverdrag inzake de bescherming van nationale minderheden van d'r Raod van Europa zow tekenen.

Oetsjprake[bewirk | brón bewèrke]

Cultuur van diversiteit en wederzijds cultureel respect is de enige optie. Iedere andere oplossing leidt tot geweld. 16 juli 2004 in de De Morgen n.a.v. 't VN ontwikkelingsprogramma.

Lies van premiers van 't Belsj

de Gerlache · Lebeau · de Mûelenaere · Goblet d'Alviella · de Theux de Meylandt · Lebeau · Nothomb · Van de Weyer · de Theux de Meylandt · Rogier · Henri de Brouckère · de Decker · Rogier · Frère-Orban · d'Anethan · de Theux de Meylandt · Malou · Frère-Orban · Malou · Beernaert · de Burlet · de Smet de Naeyer · Vandenpeereboom · de Smet de Naeyer · de Trooz · Schollaert · de Broqueville · Cooreman · Delacroix · Carton de Wiart · Theunis · Van de Vyvere · Poullet · Jaspar · Renkin · de Broqueville · Theunis · van Zeeland · Janson · Spaak · Pierlot · Van Acker · Spaak · Van Acker · Huysmans · Spaak · Eyskens · Duvieusart · Pholien · Van Houtte · Van Acker · Eyskens · Lefèvre · Harmel · Vanden Boeynants · Eyskens · Leburton · Tindemans · Vanden Boeynants · Martens · Eyskens · Martens · Dehaene · Verhofstadt · Leterme · Van Rompuy · Leterme · Di Rupo · Michel · Wilmès · De Croo

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Guy_Verhofstadt&oldid=445509"