Gintautas Paluckas

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Gintuatas Paluckas (Panevėžys, 19 augustus 1979) is 'ne Litouwse polletieker. Heer woort in november 2024 oetgerope tot d'n achtiende premier vaan Litouwe, 'ne rol dee heer euvernaom vaan Ingrida Šimonytė. Paluckas waor de vice-Börgemeister vaan Vilnius vaan 2015-2019. Heer heet 't leiersjap euver zien polletieke partij, de Litouwse Sociaoldemocratische Partij.

Paluckas kroog väöl kritiek veur ziene keus um 'n coalitie aon te gaon mèt de extreemrechse Nemuno aušra in zien premiersjap, veural vaanoet de Juudse gemeinsjap vaan Litouwe.

Premiersjap in Litouwe

In contras tot de premiers vaan Belsj en Nederland, maag de Litouwse premier oetsletend spreke naomes 't parlemint - en mèt naome de käözes gemaak door de mierderheid vaan 't parlemint. Staotsköndeg gezeen is de prizzedent vaan Litouwe, in tegedeil vaan beveurbeeld de Duitse prizzedent en de Belsje en Nederlandse keuninge, gaaroet neet allein meh 'ne reprizzentatieve polletieker. Väöl mie is de prizzedent de Boeteminister (minister vaan Boetelandse Affaires) vaan 't land. 't Is daan ouch de prizzedent vaan Litouwe dee 't land reprizzentiert in d'n Europese Raod vaan de Europese Unie. Meh e bepaold aontal lidstaote vaan de Europese Unie sjikke hu staotshoof, in plaots vaan hu regeringshoof, nao Breusel. Litouwe zit daomèt bij de oetzoonderleke len vaan de Raod, zjus wie Fraankriek.