Vilnius

Van Wikipedia
Gank nao: navigatie, zeuke

Dit artikel is gesjreve in 't Minsters. 't Weurt gewaardeerd óm in dit artikel 't Minsters aan te hauwe of aan te gaeve welk anger dialek gebroek is.


Wilnioes és de haudstad van 't laand Litouwe. De stad hèt rónd de 529.022 énwoeëners op 't oppervlaakte van 401 km². De stad lik op 112 m boeëve zeiniveau aon de twei reviere de Vilnelė en de Neris.

De stad wiëd vër 't iës van gehoort én de twèlfde eiw en gruit al snel aut as e cultureel en wetesjappelik centrum vër de gaanse regio. Heidër trék de stad al gaw vël immigrante aon, wie Paule, Rösse, Jaude en Duitsers. Taege 't énd van de niëgeteinde eiw besteet de bevolkéng vër 40% aut Jaude. Waaj Litouwe én 1918 zën ónaofhankelikheid autriëp, blaajf Wilnioes taugeweze aon dat laand. Paule bezat èvvel al snel de stad en 't gebied róndum, waudër Kaunas de taajdelike haudstad wiëd. Én 1939 wiëd de stad bezat dër 't Raude Leger van de Sowjetunie. De stad wiëd doënoë iëvergedraoge aon Litouwe, mér de Sowjetunie bleef zën mach vergraute en auténdelik wiëd 't gaanse laand 'n ónderdeel van de Sowjetunie. Én 1941 wiëd Wilnioes vervolges veriëverd dër 't nazistisch Duitslaand. Én de joëre die volgde wiëd bekaans de gaanse Jaudse bevolkéng autgemoeërd. Wilnioes wiëd én 1944 bevraajd.

Wilnioes zën historische bénnestad lik aon de linkse kaant van de Neris en woeëd gekénmerk dër de bouwstaajl de Barok. Bekénde gebouwe zin de Kathedraol van Wilnioes, de Gediminastoeëre en de Televisietoeëre van Wilnioes.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vilnius&oldid=409260"