Christen-Democratisch en Vlaams
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Christen-Democratisch en Vlaams (aofgekort wie CD&V) is ’n Vlaomse christendemocratische polletieke partij die sinds 2019 de daarde partij vaan Vlaondere is. Ze zit in de allewijl regering vaan ‘t Belsj. De Waolse equivalint is de cdH. Same zitte dees twie partije in de christendemocratische Europese polletieke partij de Europese Volkspartij (EVP). Ouch ’t Nederlands CDA en CU en de Duitse CDU hure bij de EVP.
Oonder d’n allewijle premier vaan 't Belsj, Alexander de Croo, is ‘t deil vaan de allewijl regering: de zoegenaomde Vivaldi-coalitie, umtot die veer ideologieë (wie Vivaldi’s veer seizoene) bevat: de liberaole (Open Vld en MR), socialiste (sp.a, PS) de greune (Groen, Ecolo) en eine kant vaan de Belsje christendemocratie: de Vlaomse CD&V (zóónder de Waolse cdH dus).
In 1884 woort de ierste Roems-Kathelieke partij opgeriech in Belsj: de Fédération des Cercles catholiques et des Associations conservatrices. Dat góng euver in 1921 tot de Union Catholique Belge. In 1945 woort de gefidderaliseerde partij Christelijke Volkspartij/Parti social-chrétien opgeriech. Die zaw opsplitse in Vlaomse en Waolse zösterpartije in 1967. In 2001 woort de Vlaomse zösterpartij ouch in naom Vlaoms, naotot zie ziech de CD&V is gaon neume.