Beneluxparlemaent

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


D'r Raogaevende Interparlementaire Beneluxraod (IPR), kórtweg 't Beneluxparlemaent geneumd is 'ne adviesraod van de nationaal regeringe van Belsj, Nederland en Luxemburg en is samegesjtèld oet parlementaire va die driej leng. De fracties zeunt neet per laand of nationalitèèt samengesjtèld mae nao politieke gezindheed.

't Beneluxparlemaent waoërt ópgerich óp 5 november 1955 dör de driej leng. De twieë officiële tale zeunt 't Nederlands en 't Fraans. 't Parlemaent behandelt mieë oonderwerpe es oeë över de Benelux besluut en dat keumt ömdat dit parlemaent ieëder is ópgericht. Naeve zakes die ege zeunt an de Benelux behandelt 't parlemaent ooch ander aangelaegenhede zoewie culturele toenadering en samewèrking óp 't gebied van boetelands beleid.

't Beneluxparlemaent keumt aafwisselend en vör twieë ópeenvólgende jaore biejee in Brussel, Den Haag en Luxemburg. Me keumt driej maol per jaor biejee. 't Parlemaent besjikt över e vas secretariaat, dat zaeëtelt in 't Palies der Natie te Brussel.

't Beneluxparlement vervult driej rólle:

  1. 't Hèlt de nationale regeringe van de deelnömende leng óp de huuëgde van de mieninge die laeve in de versjillende parlemaente.
  2. 't Adviseert de driej regeringe óp 't gebied van economische en grensöversjrèjjende samenwèrking, mae eventueel ooch ander zakes.
  3. 't Sjtimuleert de samewèrking tösje de Beneluxleng, én in internationaal verbaand.

De volgende sectie van dit artikel is gesjreve in 't Mestreechs.

Begin aprèl 2013 gónge in Nederland stumme op um 't Beneluxparlemint aof te sjaffe. 'n Mierderheid vaan de Twiede Kamer zaog 't nöt devaan neet in. Minister Frans Timmermans vaan Boetelandse Zakes góng dao evels neet in mèt. Ouch in 't Belsj waor me neet veur aofsjaffing te vinde.[1]

Lede[bewirk | brón bewèrke]

In 't Beneluxparlemaent haant 21 Belsje, 21 Nederlandse en zaeëven Luxemburgse parlementaire zitting. De huidige vörzitter van 't Beneluxparlemaent is Bart Tommelein.

De lede van t Beneluxparlemaent groepere zich neet nao nationalitèèt, mae vólges hun politieke gezindheed. D'r zeunt óp 't momaent driej fracties:

'n Erkende fractie besjtèèt oet minstens vief lede.

Lede oet d'r Euregio Maas-Rien[bewirk | brón bewèrke]

Rifferenties[bewirk | brón bewèrke]

  1. De Standaard Online - Nederlandse regering volgt meerderheid voor afschaffing Benelux-parlement niet

Externe leenk[bewirk | brón bewèrke]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Beneluxparlemaent&oldid=346755"