Nationalitèèt

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Nationalitèèt is d'r juridische baand tösje 'n individu en 'ne sjtaot dae rech gèft op erkenning es lid van dae sjtaot. Wae gèng nationalitèèt haat is sjtaoteloos.

De Universeel Verklaoring van de Rechte van d'r Miensj sjtèlt dat èèderèè rech haat op 'n nationalitèèt en 't rech haat va nationalitèèt te verendere, de zoegenaamde naturalisatie. Ooch maog me vriejelèk z'n laand verlaote en d'r nao truukkieëre. Sommige leng sjteunt 'n döbbel nationalitèèt toe.

Nederland sjtèèt 'n döbbel nationalitèèt toe an luuj die 'n aander nationalitèèt haant, die dör dat laand vör 't laeve gegaeve is. Op 21 september 2007 verklaort d'r Wetensjappeleke Raod väör 't Regeringsbeleid (WRR) dat 't kabinet Nederlanders mot toesjtoeë öm mieërdere nationalitète te ha.

In de Hollendsje groondwèt is in artiekel 1 opgenaome dat èèderèè dae zich in Nederland bevindt in gelieke gevalle geliek behandeld wert, oongeach de nationalitèèt.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nationalitèèt&oldid=426534"