Ieredevisie (hierevoetbal)

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Ieredevisie (Nederlands Eredivisie) is de hoegste competitie in 't Nederlands hierevoetbal. In de Ieredevisie weurt gespäöld um 't landskampioensjap (betaold) voetbal.

Historie[bewirk | brontekst bewerken]

Betaold voetbal gaof 't tot in de jaore 1950 in Nederland neet; de KNVB verbooj dat oet princiep officieel. In die jaore raakde 't Nederlands voetbal evels dudelek achterop; daorum riechde me in 1954, op initiatief van de Limbörger Gied Joosten, de NBVB op, boe-in tien nui opgeriechde clubs tegenein gónge speule. Ein vaan die clubs waor Fortuna '54, 't geisteskinneke vaan Joosten zelf. Al nao e paar maond waore die vaan de KNVB euvertuig en beslote ze bij de NBVB um de boonde en de competities te doen fusere. 't Ierste sezoen (1954/55) späölde alle betaolende clubs in veer Ierste Klasse, in 1955/56 späölde de bèste clubs in twie Hoofklasse, mèt drei Ierste Klasse dao-oonder, vaanaof 1957/58 woort e lendelek systeem ingeveurd mèt de Ieredevisie, Ierste Devisie en Twiede Devisie (later aofgesjaf).

Sindsdeen is 't formaot vaan de Ieredevisie neet al te väöl veranderd. De winner geit voetballe in de Europacup 1 of zien opvolgers, de lèste degradeert nao de Ierste Devisie. Vaan 't sezoen 1962/63 tot en mèt 1965/66 umvatde de competitie 16 clubs, zoewel teväör es tenao waore dat 'rs 18. Door touwnummende vercommercialisering en sponsoring woort in 1990 de Ieredevisie umgeduip tot PTT-Telecompetitie, vaanaof 1999 KPN-Telecompetitie, sinds 2000 KPN Eredivisie en nao 2002 Holland Casino Eredivise geheite. Al deen tied woort de competitie in de volksmoond gewoen Ieredevisie geneump; daorum besloot me in 2005 vaan die naom weer gans te herstèlle.

Vaan de oersprunkeleke clubs die in 1957 mèt de Ieredevisie begóste, höbbe allein Ajax, Feyenoord en PSV oonaofgebroke drin gespäöld.

Competitie[bewirk | brontekst bewerken]

De Ieredevisie tèlt achtien clubs, die allemaol twie kier tegenein speule; eine kier toes en eine kier oet. Dit maak 2x17=34 späölrundes. De ierste späölrunde vèlt allewijl miestal in augustus; de lèste in mei. In jannewarie weurt 'ne winterstop ingestèld. In eve jaore, wienie 'n EK of WK weurt gehawwe, indeg de competitie get vreuger in mei es in ooneve jaore. Veur de volgorde op de raanklies weurt primair geloerd nao de punte (wie euveral: drie punte veur wins, eint bij geliekspeul), daan nao 't doelversjèl en daan nao 't aontal goale veur. Oonderling rizzeltaot en aontal kier gewonne tèlt in de indklassering neet mèt; moch 't veurkoume tot clubs 'tzelfde aontal punte en dezelfde doelciefers höbbe daan indege ze geliek, en speule ze e beslissingsspeul tegenein es dat nujeg is.

Europees voetbal[bewirk | brontekst bewerken]

Wee aon 't ind vaan 't jaor bovenaon steit, en dus kampioen weurt, kump in 't sezoen dao-op veur voetbal in de Champions League in aonmerking. Of ouch lieger geklasseerde clubs Europees goon voetballe, hingk aof vaan de UEFA-coëfficiënt. Hei-in weurt 't totaol vaan de prestaties vaan e land zien clubs euver de lèste vief jaor berekend; wie beter of dat is, wie mier clubs oet dat land wie hoeger mage speule. De boond vaan 't land maak dan aon de hand vaan de competitie en de beker oet welke clubs dat weure. De lèste jaore kump dat hei-op neer:

  • De landskampioen plaots ziech direk veur de grópsfaas van de Champions League;
  • D'n twiede plaots ziech veur de daarde veurrunde (vaan veer) vaan de Champions League;
  • D'n daarde plaots ziech direk veur de play-offrunde vaan de Europa League;
  • De veerde plaots ziech veur de daarde veurrunde vaan de Europa League;
  • De nommers 5 t/m 8 speule play-offs (in twie rundes) um 'n plaots in de twiede veurrunde vaan de Europa League.

Ouch de bekerwinner krijg direk 'n plaots in de play-offrunde vaan de Europa League. Gemeinelek kump dee wel oet de ierste ach vaan de Ieredivisie. In dat geval trejje de volgende regele in wèrking:

  • Es de bekerwinner ouch landskampioen of twiede is, en dus Champions League geit speule, nump de verlerende finalis (runner-up) 't ticket euver;
  • Es de bekerwinner daarde tot achste weurt, sjuif de res vaan 't systeem nao oonder. De clubs tot aon de negende plaots kinne noe Europees goon voetballe / make dao kans op.

't Is ieder oetzunderlek tot ein vaan de bovestoonde regele neet in wèrking trejt. In 't sezoen 2013/14 waor dat 't geval: PEC Zwolle won toen de beker, allewel tot 't in de competitie mer èlfde woort.

Promotie en degradatie[bewirk | brontekst bewerken]

Wee lèste (achtiende) weurt in de Ieredevisie, degradeert otomatisch nao de Ierste Devisie. De kampioen vaan de Ierste Devisie promoveert otomatisch nao de Ieredevisie. D'n twiede lèste (zeventiende) en daarde lèste (zestiende) speule, same mèt zes Ierste Devisieclubs (boe-oonder de veer periodekampioene), um twie plaotse in de Ieredevisie. Vreuger dege ze dat mèt 'n naocompetitie, allewijl gebeurt dat mèt e getrep play-offsysteem.

Clubs[bewirk | brontekst bewerken]

In 't koumend sezoen (2013/14) speule de volgende clubs in de Ieredevisie:

Club Plaots Opgeriech Stadion Capaciteit Trainer Rizzeltaot '13/'14
ADO Den Haag D'n Haag 1905 Kyocera Stadion 15.000 Henk Fräser 9e
AFC Ajax Amsterdam 1900 Amsterdam ArenA 53.052 Frank de Boer landskampioen
AZ Alkmaar 1967 AFAS Stadion 18.023 Marco van Basten 8e; 8e nao po
SC Cambuur Leeuwarden 1964 Cambuurstadion 10.250 Henk de Jong 12e
FC Dordrecht Dordrecht 1883* Riwal Hoogwerkers Stadion 4.235 Ernie Brandts 2e 1D
SBV Excelsior Rotterdam 1902 Stadion Woudestein 3.531 Marinus Dijkhuizen 3e 1D
Feyenoord Rotterdam 1908 Stadion Feijenoord 51.137 Fred Rutten 2e
Go Ahead Eagles Deventer 1902 De Adelaarshorst 7.769 Foeke Booy 13e
FC Groningen Groninge 1971 Euroborg 22.550 Erwin van de Looi 7e; 5e nao po
SC Heerenveen Heerenveen 1920 Abe Lenstra Stadion 26.100 Dwight Lodeweges 5e; 6e nao po
Heracles Almelo Almelo 1903 Polman Stadion 8.500 Jan de Jonge 14e
NAC Breda Breda 1912 Rat Verlegh Stadion 19.000 Nebojša Gudelj 15e
PEC Zwolle Zwolle 1910 IJsseldeltastadion 12.500 Ron Jans 11e
PSV Indhove 1913 Philips Stadion 35.000 Philip Cocu 4e
FC Twente Enschede 1965 De Grolsch Veste 30.205 Alfred Schreuder 3e
FC Utrecht Utrech 1970 Galgenwaard 23.750 Rob Alflen 10e
SBV Vitesse Arnhem 1892 GelreDome 25.000 Peter Bosz 6e; 7e nao po
Willem II Tilburg 1896 Koning Willem II Stadion 14.700 Jurgen Streppel 1e 1D


Opmerkinge
  • FC Dordrecht woort in 1883 es DFC opgeriech. De proftak splitsde ziech in 1972 es FC Dordrecht aof. Nao versjèllende naomsveraanderinge en 'n fusie kraog de club in 2002 häören huiege naom weer.
  • 1D: Ierste Devisie
  • po: Stand nao play-offs (wienie 'n club die vaan teväöre neet de hoegs geklasseerde waor die wint, klump ze esnog)

Kampioene[bewirk | brontekst bewerken]

jaor club
1956/1957 Ajax
1957/1958 DOS
1958/1959 Sparta
1959/1960 Ajax
1960/1961 Feyenoord
1961/1962 Feyenoord
1962/1963 PSV
1963/1964 DWS
1964/1965 Feyenoord
1965/1966 Ajax
1966/1967 Ajax
1967/1968 Ajax
1968/1969 Feyenoord
1969/1970 Ajax
1970/1971 Feyenoord
jaor club
1971/1972 Ajax
1972/1973 Ajax
1973/1974 Feyenoord
1974/1975 PSV
1975/1976 PSV
1976/1977 Ajax
1977/1978 PSV
1978/1979 Ajax
1979/1980 Ajax
1980/1981 AZ '67
1981/1982 Ajax
1982/1983 Ajax
1983/1984 Feyenoord
1984/1985 Ajax
1985/1986 PSV
jaor club
1986/1987 PSV
1987/1988 PSV
1988/1989 PSV
1989/1990 Ajax
1990/1991 PSV
1991/1992 PSV
1992/1993 Feyenoord
1993/1994 Ajax
1994/1995 Ajax
1995/1996 Ajax
1996/1997 PSV
1997/1998 Ajax
1998/1999 Feyenoord
1999/2000 PSV
jaar club
2000/2001 PSV
2001/2002 Ajax
2002/2003 PSV
2003/2004 Ajax
2004/2005 PSV
2005/2006 PSV
2006/2007 PSV
2007/2008 PSV
2008/2009 AZ
2009/2010 FC Twente
2010/2011 Ajax
2011/2012 Ajax
2012/2013 Ajax
2013/2014 Ajax
Club Aontal
Ajax 25
PSV 18
Feyenoord 9
AZ 2
DOS, DWS, Sparta, FC Twente 1

Bron[bewirk | brontekst bewerken]

Dit artikel is gebaseerd op en gedeiltelek euvergenome vaan 't corresponderend Nederlandstaoleg artikel, en wel in dees versie.

Externe link[bewirk | brontekst bewerken]