Gied Joosten

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Egidius "Gied" Joosten (Heerle, 13 november 1921 - Mestreech, 3 oktober 1993) waor 'ne Nederlands-Limbörgsen oondernummer en pioneer vaan 't betaold voetbal.

Joosten studeerde aof es civielen inzjenieur aon de Technische Hoegsjaol in Delft. In d'n Twiede Wereldoorlog deeg 'r actief mèt aon 't verzèt tege de bezètter. Nao d'n oorlog bouwden 'r 'n succesvol carrièr op es aonnummer in Heerle, boe heer d'n eigeneer vaan bouwbedrijf Vasco waor.

Joosten kaom es supporter bij de Watersnoedwèdstrijd tösse Nederland en Fraankriek (op 12 miert 1953) in aonraking mèt 't betaold voetbal. Op dat memint gaof 't in Nederland neet allein gei professioneel voetbal, 't woort ouch tegegehawwe door de KNVB. 't Stiechte vaan betaold voetbal mós daorum boete de KNVB um. Joosten riechde op 12 juni 1954 de allerierste betaoldvoetbalclub in Nederland op, Fortuna '54, zoewie de NBVB, de Nederlandse Betaold-Voetbalboond. Dee boond begós in september vaan dat jaor, gans tege de wèl vaan de KNVB, mèt 'n eige competitie. Al gaw bekierde ziech de Boond evels tot 't betaold voetbal en op 28 november slote de bei concurrente 'n akkaord. De NBVB-competitie en de Ierste Klas vaan de KNVB woorte stèlgelag um mèt 'n gezameleke devisie wijer te goon. Joosten zien eige Fortuna '54 stoont op dat memint bovenaon.

Joosten bleef nog e tiedsje succes hawwe mèt Fortuna '54, wat in 't sezoen 1956/57 twiede woort en de KNVB-beker pakde. In 1966 evels góng Joosten zie bouwbedrief failliet en raakde Fortuna ziene sókkernoonk kwiet. De sportief prestatief lepe dao-op trök en in 1968 fuseerde 't mèt Sittardia tot Fortuna SC.

Bron[bewirk | brón bewèrke]

Dit artikel is vertaold oet 't corresponderend Nederlandstaoleg artikel, en wel in dees versie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Gied_Joosten&oldid=434027"