Enschede

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Gemeinte Enschede

Veendel vaan Enschede

Waope vaan Enschede

Gemeinte Enschede in Euverijssel

Provincie Euverijssel
Hoofplaats Enschede
Börgemeister (lies) Peter den Oudsten (PvdA)
Opperflaakde
– daovan water
142,75 km²
1,80 km²
Inwoeners
deechde:
157.587 (1-4-2011)
1118/km²

Enschede (Nedersaksisch Eanske) is 'n stad in 't ooste vaan Euveriesel, in de streek Twente. De gemeinte Enschede had op 1 januari 2005 153.640 inwoeners, boemèt de stad de ierste vaan Euverijssel is. Ander kerne zien Boekelo, Glanerbrug, Lonneker en Usselo.

Stadsfuncties[bewirk | brontekst bewerken]

Enschede is verzörgingscentrum vaan Twente en 't aonpaolend Duits gebeed. Mèt Hengelo, Borne en 't Duitse Gronau vörmp de stad 'n agglomeratie mèt bekaans 400.000 inwoeners. Enschede zie beteikenis es industriestad is aofgenome nao 't verdwijne vaan de textielindustrie. Allewijl is dao 'n technische universiteit gevesteg, zoewie e conservatorium en 'n hoegesjaol. Bij Enschede ligk ouch de Vleegbasis Twente, die evels binne e paar jaor geslote zal weure.

Stadsgeziech[bewirk | brontekst bewerken]

Enschede heet e modern stadsbeeld, mèt naome door de brand vaan 1862 dee zoe good wie alle bebouwing in d'n as lègkde. De meiste febrikke zien gesloop en vervaange door woeninge of bedriefsgebouwe. De väöl aw arbeiderswieke geve de stad e typisch Interbellum-aonziech.

Historie[bewirk | brontekst bewerken]

Enschede moot roontelum 'n donjon oontstande zien. Roond 1300 kraog 't stadsrechte, die in 1325 door de bisjop vaan Utrei bekrachteg woorte. De stad bleef oonbelangriek tot eind achtiende iew de textielindustrie opkaom; wie 't industrieel dommenant Bèlsj ziech in 1830 aofsjeide kós 't oetgreuje tot textielcentrum vaan Nederland. In 1862 góng door 'ne groete brand al bebouwing verlore.

In de jaore zesteg en zeventeg góng de textielindustrie verlore door concurrentie oet lieg-loenlen, boenao intensief revitaliseringsprojekte nudeg waore, vergliekbaar met die in Heerle. In de jaore negeteg zaoge planne veur 'n fusie mèt Hengelo en Borne tot Twentestad 't leech, die evels in 2000 aofgebloze woorte wegens teväöl oonwèl bij de bevölking. In datzelfde jaor explodeerde in de wiek Roombeek e vuurwerkfebrik, boebij 22 doeje vele.

Bekinde Enschedeërs[bewirk | brontekst bewerken]

Externe link[bewirk | brontekst bewerken]

Gemeintes Provincie Euverijssel

Almelo | Borne | Dalfsen | Deventer | Dinkelland | Enschede | Haaksbergen | Hardenberg | Hellendoorn | Hengelo | Hof van Twente | Kampen | Losser | Oldenzaal | Olst-Wijhe | Ommen | Raalte | Rijssen-Holten | Staphorst | Steenwijkerland | Tubbergen | Twenterand | Wierden | Zwartewaterland | Zwolle

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Enschede&oldid=337805"