Alphen aan den Rijn
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Alphen aan den Rijn is 'n gemeinte in de Nederlandse provincie Zuid-Holland, aon d'n Awwe Rien. 't Oppervlak vaan de gemeinte bedreug 57,69 km2; op 1 januari 2004 woende hei 70.477 lui.
Inhawd |
[bewirk] Stadsgeziech
Alphen aan den Rijn is 'n aajd dörp en daodoor euverheers de nuibouw mier es in ander stei. In 't aajd dörp stoon nog wel e paar intersante hoezer aon de Aw Rien.
De PTT-torie, 'nen tillefoonmas, is in de ganse stad en häör umgeving good te zien.
[bewirk] Stadsfuncties
Alphen aan den Rijn is mèt Gouda 't centrum vaan 't Greun Hart. Behave in industrie en deenste wie hospitaole, sjaole en winkele oet dat ziech in cultureel en recreatief veurzeninge wie e poppodium, e themapark ('t Archeon) en 'ne vogel-zoo (Avifauna).
[bewirk] Historie
Alphen aan den Rijn is in de Romeinsen tied oontstoon es castellum, 'n vesting aon de Aw Rien, dee de Rieksgrèns vaan 't Roemeins Riek waor. 't Hètde daan Albanianae. In de iewe daonao greujde 't oet tot 'n ech dörp, zeker naotot in 1122 de Rien umgeleid woort nao de Lek en de euvers vaan de Aw Rien neet mier euverstruimde. Vaanaof naoventrint 1200 woort Alfe geregeerd door 'n aofsplitsing vaan 't hoes Van Cralingen; die gónge ziech naodeen de "hiere vaan Alfe" neume.
Nao de Napoleontischen tied woort Alfe 'n gemeinte. De naom Alphen aan den Rijn woort pas officieel in 1918 wie de gemeinte Aarlanderveen en Oudshoorn annexeerde. In 1964 woort ouch Zwammerdam touwgeveug. Nao 1950 is 't dörp oetgegreujd tot de middelgroete stad die 't noe is. De landeleke planning veur de Ruimteleke Ordening evels wèlt 't oetbreie vaan de gemeintes in 't Greun Hart lever get aofremme.
