Rijnwoude

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Gemeinte Rijnwoude

Veendel vaan Rijnwoude

Waope vaan Rijnwoude

Ligking vaan Rijnwoude in Zuid-Holland (situatie 2009)

Provincie Zuid-Holland
Hoofplaats Hazerswoude-Rijndijk
Börgemeister (lies) Anja Latenstein van Voorst-Woldringh (VVD)
Opperflaakde
– daovan water
57,89 km²
1,20 km²
Inwoeners
deechde:
18.519
327/km²

Rijnwoude is 'n geweze gemeinte in de Nederlandse provincie Zuid-Holland. De gemeinte had bij häör oplufting good 18.000 inwoeners en 'n oppervlak vaan 57,89 km2 (daovaan 1,20 km2 water). Rijnwoude bestoont oet de kerne Benthuizen, Hazerswoude-Dorp, Hazerswoude-Rijndijk (raodhoes) en Koudekerk aan den Rijn en de naobersjappe Bent, Benthorn, Groenendijk en Hogeveen.

Vörming en oplufting[bewirk | brontekst bewerken]

Rijnwoude oontstoont in 1991 oet 'n fusie tösse de gemeintes Benthuizen, Hazerswoude en Koudekerk aan den Rijn. Tot 1993 hètde ze Rijneveld; de naom Rijnwoude is bedach door de plaotseleken historicus C. Kroon. Benthorn (tot 1845) en Hogeveen (tot 1855) waore ouch oets gemeintes, tot ze aon Benthuizen woorte touwgeveug.

Op 1 jannewarie 2014 is de gemeinte gefuseerd mèt Boskoop en Alphen aan den Rijn. Beslote is tot de fusiegemeinte ouch Alphen aan den Rijn geit heite; dit waor tege 't zier bein vaan veural Boskoop.[1] De discussie zal dinkelek ouch nao de fusie doorgoon.

Waope[bewirk | brontekst bewerken]

Op 18 oktober 1992 kraog Rijnwoude, toen nog Rijneveld, vaan d'n Hoege Raod vaan Adel e waope touwgekind wat ziech wie volg liet umsjrieve:

Verdeild nao umgekierde gaffelsnei; rechs (veur de beziener links) in keel (roed) 'n viefpuntege staar vaan goud (geel), links (veur de beziener rechs) in lazuur (blauw) 'nen adeleer vaan zèlver (wit), oonder in zèlver drei törve vaan sinopel (greun), gezat 1 en 2. 't Sjèld gedèk mèt 'n gouwe kroen vaan drei blajer en twie perele.

Edert vaan de drei deile symboliseert ein vaan de stiechtende gemeintes: de staar vaan Hazerswoude, d'n adeleer vaan Koudekerk en de törve vaan Benthuizen.[2] Geint vaan de aw gemeintewaopes is compleet opgenome.

Rifferenties[bewirk | brontekst bewerken]

  1. BinnelandsBestuur.nl - Boskoop boos op Alphen over blokkeren fusienaam
  2. Heraldrywiki - Rijnwoude

Externe link[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Rijnwoude&oldid=352169"