Boskoop

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Boskoop
Gewaeze gemeinte in Nederlandj

Flag of Boskoop.svg

Boskoop wapen.svg

Ligking vaan Boskoop in Zuid-Holland (situatie 2009).

Gevörmp (1204)
Opgehaeve 2014
Opgegange in Alphen aan den Rijn
Provincie Zuid-Holland
Hoofplaats Boskoop
Opperflaakde (bie opluffing) 16,95 km²
– daovan water: 2,07 km²
Inwoeners (kort veur opluffing) 15.212 (1 augustus 2013)
deechde: 1022/km²
Lies van börgemeisters

Boskoop is 'n plaots en geweze gemeinte in de Nederlandse provincie Zuid-Holland, laanks de reveer de Gouwe, te noorde vaan Gouda en Waddinxveen, mèt zoe'n 15.000 inwoeners.

Boskoop is nog ummertouw 'n agrarisch centrum, en wel e centrum vaan de seerteelt vaan buim en blómme.

Historie[bewirk | brontekst bewerken]

De grun boe-op Boskoop ligk woorte in de twelfde iew oontgonne; in 1204 woort de neerzètting Ten Bussche gestiech, boe-oet allezeleve Boskoop is voortgekoume. 'n Koop of cope waor in Holland en 't Stiech e stök gepachde oontginningsgroond. Bezitter waor de abdij vaan Rijnsburg. Al vaanaof de vieftiende iew kaom de seerteelt in Boskoop op geng; vaanaof de zeventiende iew woorte neve buim ouch blómme geteeld, die sinds de negentiende iew ouch op d'n export nao veural Duitsland gónge. 'nen Hinderende factor waor de lieg ligking, wie Gouda en Waddinxveen mer zjus bove 't groondwaterpeil, boedoor väöl slote móste gegraove weure um 't dörp en de velder droeg te hawwe.

Op 1 jannewarie 2014 is Boskoop, same mèt Rijnwoude, opgegaange in de gemeinte Alphen aan den Rijn. Tot de nui fusiegemeinte de naom Alphen aan den Rijn hèlt, waor tege 't zier bein vaan Boskoop.

Externe link[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Boskoop&oldid=352167"