Katwijk

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Ligking vaan Katwijk in Zuid-Holland

Katwijk (Hollands Kattek) is 'n plaots en gemeinte in de Nederlandse provincie Zuid-Holland, in de Duinstreik, tösse Wassenaar en Noordwijk in. De gemeinte had op 1 januari 2006 61.292 inwoeners en heet 'n oppervlak vaan 19,24 km² (daovaan 5,51 km² water). De gemeinte umvat vief groete kerne: Hoornes-Rijnsoever, Katwijk aan den Rijn, Katwijk aan Zee (raodhoes), Rijnsburg en Valkenburg. Dees vief kerne zien in de loup vaan de jaore gans aoneingegreujd zoetot ze noe same 'n middelgroete stad vörme. Toch höbbe de kerne, veural Katwijk aan Zee, hun karakter vaan zelfstendege gemeinsjappe weite te bewaore. Zoe kint me in Katwijk aan Zee 'n uniek Hollands dialek, 't Katwijks.

Rijnsburg en Valkenburg waore tot 1 januari 2006 apaarte gemeintes. Door de sterke versteideleking in recinter daog is de gemeinte integraol deil oet goon make vaan de Randstad Holland. In 2010 zal Katwijk mèt 't zoegenaomp LightRail-projek verboonde weure mèt Leie en Gouda.