Benthorn

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Benthorn
Gewaeze gemeinte in Nederlandj

Gevörmp hoeg middeliewe
Opgehaeve 1845
Opgegange in Benthuizen
Provincie Holland, Zuid-Holland
Hoofplaats Benthorn
Opperflaakde (bie opluffing) 0,85[1] km²
– daovan water: 0 km²
Inwoeners (kort veur opluffing) 16 (1840)[2]
deechde: 17,6/km²
Lies van börgemeisters
Gemeinte Benthuizen ind jaore 1860. Me zuut 't klein Benthorn oongeveer in 't midde, oostelek vaan 't dörp, ligke.

Benthorn is 'n naobersjap vaan Benthuizen, gemeinte Alphen aan den Rijn, oostelek vaan 't dörp gelege. Allewel tot vaan Benthorn neet väöl euversjut, heet 't pläötske 'n lang historie es ambach en later gemeinte.

Historie[bewirk | brón bewèrke]

Benthorn oonstoont in de middeliewe es oontginning vaan 't Rijnland en is nao me dink awwer es Benthuizen zelf. Historici meine tot dit lèste ambach oontstande is oet sameveuging vaan Benthorn en 't oosteleker gelege Hoogeveen in Rijnland.[3] Toch kump Benthorn later trök es zelfstendeg ambach, klein en ingeklemp tösse Benthuizen (westelek) en Hoogeveen (oostelek).

In de Vreugmodernen Tied weure oetgebreide deile vaan 't Greun Hart oetgeveend: de natuurleke veenlaog weurt tot op 't klei aofgegrave, zoetot 't oonder water kump te stoon. Heibij rake zoewel Benthorn es Hoogeveen oontvolk. In de laten achtienden iew weurt de groond weer druuggemaak en in pach gegeve.[3] Benthorn besteit in de negentienden iew oet twie boerehäöf en de oonmiddeleke groond dao-umheen.[2][1]

In 1845 weurt Benthorn, nog veur de groete Zuid-Hollandse fusiegolf in de jaore 1850, opgeluf en bij Benthuizen geveug. Dao blijf 't jaorelaank oonveranderd bestoon es 'ne weeg mèt e paar boerderije. In de jaore 2000 kaom 't tracé vaan de HSL evels dweers door Benthorn te loupe. Heibij woorte de mieste hoezer gesloop. Es straotnaom is Benthorn nog ummertouw trök te vinde.

Historische inwoenertalle[bewirk | brón bewèrke]

Jaor Aontal Greuj (gans Zuid-Holland)
1830 11[4] --
1840 16[2] +45,5% (+9,6%)

Bestuur[bewirk | brón bewèrke]

Benthorn had geinen eige börgemeister en raod; in zoe'n extreem klein gemeintes betaolde d'n ambachshier veur de administratie.

Waope[bewirk | brón bewèrke]

Benthorn droog gein eige waope.[5]

Rifferenties[bewirk | brón bewèrke]

  1. 1,0 1,1 Streekarchief Rijnlands Midden - Benthorn in de negentiende eeuw volgens Van der Aa en volgens Kuyper
  2. 2,0 2,1 2,2 Volkstèlling 1840 - Zuid-Holland
  3. 3,0 3,1 Gemeinte Alphen aan den Rijn - Historie Benthuizen
  4. Volkstèlling 1830
  5. Heraldrywiki - Benthorn
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Benthorn&oldid=456321"