Venroj

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Venrods, es te dit dialek sjpriks.

---

Gemeinte Venroj (Venray)
Provincie	Limburg
Hoofplaats	Venroj
Börgemeister (lies)	Hans Gilissen (PvdA)
Opperflaakde – daovan water	146,36 km² 0,73 km²
Inwoeners – deechde:	42.858 (1-4-2011) 294/km²

Venroj (officiële naom Venray) is 'n plaots en gemeinte in noordelek Nederlands Limburg, aon de raand vaan de Pieël. Op 1 januari 2006 woende hei 39.030 lui; nao de lèste herindeiling (2010) mote dat good 41.000 lui zien. 't Oppervlak vaan de gemeinte waor veur 2010 146,03 km²; väöl vaan dat gebeed is bos en heiland. Ind 2020 krijg de gemeinte plaotsnaomborde in 't dialek. De gemeinte besteit oet de kerne:

• Aostrem (Oostrum)
• Blitterswik (Blitterswijck)
• Geistere (Geysteren)
• De Haej (Heide)
• IJselstein (Ysselsteyn)
• Kâssele (Castenray)
• Luëne (Leunen)
• Maersele (Merselo)
• Oeldere (Oirlo)
• De Smákt (Smakt)
• 't Väöle (Veulen)
• Venroj (Venray)
• De Vredepieël (Vredepeel)
• Wânsem (Wanssum)

De dörper Blitterswik, Geistere en Wânsem woorte op 1 januari 2010 oet de toen opgeheve gemeinte Mieëldere-Wânsem in de gemeinte Venroj euvergebrach.

't Dialek vaan Venroj behuurt tot de Kleverlandse dialekte, meh heet wel Limburgse kinmèrke. Binne de grènze vaan de gemeinte Venroj ligke veurnaom legerbases veur zoewel de lochmach es veur de laandmach.

Aonziech

Venroj is pas in de twintegste iew tot stad oetgegreujd; daorum heet de stad 'n echte dorpskèrn en 'n besjeie kèrk. De umgeving ten zuie is hendeg bosriek: dao ligk 't Nationaal Park de Groote Peel.

Rechs-extremisme

Venroj is de afgelope jaore inkel kere negatief in 't nuujs gewees vanwege rechs-extremistische aktiviteit. De gemeinte heet relatief väöl zoegenumde Lonsdale-jongere. Begin 2006 organiseerde de verboje groep Blood & Honour 'n kraanslègking op de Duitse oorlogsbegraafplaats Ysselsteyn.

Gebore in Venroj

• Dr. H.A. Poels, filantroop en preester

Externe link

• Website vaan de gemeinte
• DorpenVenray.nl Informatiesite euver de versjèllende kerne vaan Venroj

51° 32' NB, 5° 58' OL