Se-Gietere

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Se-Gietersj, es te dit dialek sjpriks.

---

Dörpssjtraot

Se Gietere (Nederlands: Sint Geertruid) ies 'n dörp in de gemeinte Èèsjde-Mergraote in Zuud Limburg. Se-Gietere ies geneump nao de heilige Gertrudis van Nijvel, die veural in de Mieddelièwe bijzonder woort verièrd. Tot 1982 waor 't 'n eige gemeinte. 't Dörp tèlt, same mèt de buurtsjappe ca 540 häöf en hoezer mèt 1420 inweunersj.

Buurtsjappe

Gehuchte en buutsjappe:

• Bruusjterbusj (Bruisterbos)
• Herkenter (Herkenrade)
• Liebik (Libeek)
• Moersjelt (Moerslag)

Bezeenswaerdig

Beeldsje van 'ne sjöt veur de kèrk.

• Prehistorsiche vuursjteinmiene in de Savelsbösj (hellingbösj tösje Se-Gietere en Riekelt).
• Ein aantal vakwerkhoezer
• 't Sjteine hoes, van mergel en breuksjtein, mèt trapgevel oet de 17e ièw. 't Houw toen de naam Scheverssteenhuis. Sjieversjtein ies 't zelfde es leisjtein. 't Hoes zal mèt leisjtein bedèk zin gewaes. Veurdat dit hoes d'r sjtóng haet hie de Poorthaof gesjtange, dae in de 15e ièw in archieve weurt geneump. In 1980 ies 't hoes gerestaureerd.
• De Gertrudiskèrk ies geboewd van mergel mèt 'ne tore oet de 14e ièw. 't Sjeep en de duipkapel sjtamme oet de 16e ièw.
• Veur de kèrk sjteit 'n beeldsje van 'ne sjöt ter herinnering aan 't klein OLS, dat hie in 1992 georganiseerd ies gewaes.

Dörpsvereiniginge

• Heemkundevereiniging Sint Geertruid
• Fanfaar St. Gertrudis
• Sjötterie Sint Joep
• RKVV Geertruidse Boys
• * Carnavalsvereiniging de Kleindererre

Persone

• Peter Schuijren, beeldhouwer
• Sjef Hutschemakers, kunssjilder