Rozenburg

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Dit artikel geit euver de Zuid-Hollandse plaots, deilgemeinte en 't eiland. Ouch in de Haarlemmermeer ligk 'n plaots die zoe hèt, zuug Rozenburg (Noord-Hollandj)

Rozenburg
Gewaeze gemeinte in Nederlandj

Ligking vaan Rozenburg in Zuid-Holland op 't memint vaan oplufting

Gevörmp 1816
Opgehaeve 2010
Opgegange in Rotterdam
Provincie Holland, Zuid-Holland
Hoofplaats Rozenburg
Opperflaakde (bie opluffing) 6,37 km²
– daovan water: 1,86 km²
Inwoeners (kort veur opluffing) 12.489 (1-1-2010)
deechde: 2.769/km²
Lies van börgemeisters

Rozenburg is 'n eiland en e stadsdeil vaan de stad Rotterdam in de Nederlandse provincie Zuid-Holland, mèt op 1 januari 2006 12.853 inwoeners en 'n oppervlak vaan 6,37 km2 (daovaan 1,86 km2 water). Tot 2010 waor Rozenburg 'n zelfstendege gemeinte, ein vaan de kleinste vaan Nederland.

Historie[bewirk | brón bewèrke]

't Dörp Rozenbrug besleit laank neet 't gans eiland Rozenburg. De res weurt in beslaag genome door de have-districte Botlek en Europoort. 't eiland Rozenburg oontstoont in de zestiende iew door bedieking vaan zandplaote bij de moond vaan de Maos. Op 't eiland oontwikkelde ziech twie dörper: Blankenburg en Rozenburg. In 't begin vaan de jaore viefteg begós me Botlek aon te lègke; vaanaof 1957 volgde Europoort. Heiveur woorte versjèllende haves oet 't eiland gegraove, kaom 't Calandkanaal door 't eiland te ligke, mós Blankenburg gesloop weure en mós 't natuurrizzervaot De Beer verdwijne. Rozenburg leet me stoon; me bouwde dit oet tot 'n woenplaots veur havearbeiders. In inkel jaore steeg 't aontal inwoeners nao mie es tiendoezend. Per 18 miert 2010 is de gemeinte Rozenburg opgeheve en es deilgemeinte touwgeveug aon Rotterdam.

Historische inwoenertalle[bewirk | brón bewèrke]

Jaor Aontal Greuj (gans Z-Holland)
1795 435[1] --
1830 768[2] +76,6%
1840 878[3] +14,3% (+9,6%)
1849 1.146[4] +30,5% (+7,1%)
1859 1.205[5] +5,1% (+9,5%)
1869 1.372[6] +13,9% (+11,5%)
1879 1.761[7] +28,4% (+16,8%)
1889 2.005[8] +13,9% (+18,2%)
Jaor Aontal Greuj (gans Z-Holland)
1899 1.961[9] -2,2% (+20,5%)
1909 2.163[10] +10,3% (+21,5%)
1920 2.538[11] +17,3% (+20,7%)
1930 2.523[12] -0,6% (+16,6%)
1947 2.975[13] +17,9% (+16,7%)
1956 3.163[14] +6,3% (+13,3%)
1960 3.949[15] +24,8% (+4,6%)
1971 11.280[16] +185,6% (+10,1%)
Opmerkinge
  • Genormaliseerd nao 'n periood vaan tien jaor bedreug 't greujciefer tösse 1795 en 1830 +17,6%.
  • De inwoenertalle veur 1971 zien aofgerund op ganse vieftalle.
Rillatief oontwikkeling vaan 1830 tot 1971

(logaritmische sjaol; x1830=100)

Greun: Gemeinte Rozenburg
Blauw: Provincie Zuid-Holland

Aonzien[bewirk | brón bewèrke]

Rozenburg heet gei hendeg monuminteel aonzien. 't Dörp kint mer drei rieksmonuminte: de windmeule 'de Hoop', e bijgebouw vaan dezelfde meule en e jachhoes.[17] D'n aonlag vaan zoeväöl havegebeed kortbij heet me wèlle compensere door väöl greun roontelum.

Verkier[bewirk | brón bewèrke]

Bij Rozenburg geit d'n N15 euver in d'n A15. Deze weeg maak 't aanderszins geïsoleerd, want aon drei kante door water ingeklemp Rozenburg good bereikbaar. Aon de noordkant vaan 't dörp veurt sinds minsehäögenis e poontveer euver de Nui Maos vaan en nao Maassluis.

Waope[bewirk | brón bewèrke]

Op 24 juli 1816 kraog Rozenburg vaan d'n Hoege Raod vaan Adel e waope touwgekind wat ziech zoe liet umsjrieve:

In goud (geel) twie paole vaan keel (roed); op die aon de rechterkant (veur de beziener links) twie roeze [vaan goud], op die aon de linkerkant 'nen torie vaan zèlver.

't Waope is sprekend en tuint twie roeze en 'n börg. De plaots is oetindelek geneump nao de börg vaan de hiere vaan Wassenaar, die in 'nen hoof mèt roeze stoont. 't Eiland Rozenburg waor bezit vaan 't geslach Van Wassenaar. De kleure goud en keel koume oet 't waope vaan Holland.[18]

Gebore in Rozenburg[bewirk | brón bewèrke]

Rifferenties[bewirk | brón bewèrke]

  1. Volkstèlling 1795 - Holland
  2. Volkstèlling 1830
  3. Volkstèlling 1840 - Zuid-Holland
  4. Volkstèlling 1849 - Zuid-Holland
  5. Volkstèlling 1859
  6. Volkstèlling 1869
  7. Volkstèlling 1879 - Zuid-Holland
  8. Volkstèlling 1889 - Zuid-Holland
  9. Volkstèlling 1899 - Zuid-Holland
  10. Volkstèlling 1909 - Diechheid vaan de bevolking
  11. Volkstèlling 1920
  12. Volkstèlling 1930
  13. Volkstèlling 1947
  14. Woeningtèlling 1956
  15. Volkstèlling 1960
  16. Volkstèlling 1971
  17. Rieksmonuminte in Rozenburg
  18. Heraldrywiki - Rozenburg

Externe link[bewirk | brón bewèrke]

Rotterdam: Sjtadsdeile, opgelufde gemeintes en dörpsgemeinsjappe

Centrum (Cool) | Charlois (Heijplaat) | Delfshaven (Oud- en Nieuw-Mathenesse) | Feijenoord (Katendrecht) | Hillegersberg-Schiebroek (Hillegersberg · Schiebroek · Terbregge) | Hoek van Holland | Hoogvliet | IJsselmonde | Kralingen-Crooswijk (Kralingen) | Noord | Overschie | Pernis ('s-Gravenambacht) | Prins Alexander (Kralingse Veer) | Rozenburg (Blankenburg)

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rozenburg&oldid=428367"