Rotspark

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


't Rotspark mèt 't Opelochtheater liek in de De Plenkert in 't sjtedsje Valkeberg. Park en theater zint ónderdeil van de Polferbosj. De naam Polferbosj kump van de in de buurt, aan de Geul, liegkende polfermeule. 't Theater ies gedeiltelik oetgehouwe in de Heksekeuke, in de mergelberg. De zietplaatse bevinge ziech dao tegeneuver, oetgekap in en op de helling. 't Óntwerp ies van Pierre Cuypers.

Gesjiedenis[bewirk | brón bewèrke]

NV Valkenburg Omhoog, eigenaer van Rotspark en Polferbösj, lièt in 1916 'n opelochtheater boewe in 't Rotspark. 't In de mergel oetgehouwe theater haet 1200 zietplaatse. De veursjtèllinge vinge plaats in, op en veur de "heksekeuke", 'n eupening in de berg. De eupening ies op 6 juni van dat jaor.

In de zomermaonde were veursjtèllinge opgeveurd, die besjtoon oet toneelsjtökker, opera's, operettes, zank, concerte, ballet en musicals. Bie rege weurt óf de veursjèlling aafgelas óf ze geit door in de plaatselike sjouwburg.

Nao miedde jaore 60 van de 20e ièw sjtoppe de activiteite. 't Theater zal ein aantal jaore neet gebruuk were. Saer de jaore 80 ies 't wir in gebruuk genómme en vinge d'r eder jaor diverse film- en musicaloetveuringe (nuuj en eige producties) plaats. De ingank van 't rotspark en opelochtheater liek sjuin tegeneuver 't multifunctioneel centrum de Polfermeule oet 2002.

In 2008 krieg 't opelochtheater 'n nuuj besjtuur dat 'n serie gevarieerde oetveuringe presenteert, zoa-es bokpop, poeppetheater veur de jeug, cabaret, alpenfolk, folkpop, variété, blaosmuziek, vioalkoncerte, pianorecitals, siguinermuziek, jazz en latiens-amerikaanse muziek.

Veursjtèllinge door de jaore heen[bewirk | brón bewèrke]

o.m.

Kingertoneel o.m.:

    • De schone slaapster
    • Assepoester
    • Aladin en de wonderlamp

Veursjtèllinge en activiteite door plaatselike vereiniginge[bewirk | brón bewèrke]

  • De Bokkeriejersj, dialeksjpel van Huib Ubaghs
  • Rooske Kleef, operette in 't dialek door Walram's genootschap
  • Les Dragons de Villars, Der Zigeunerbaron en Die Blume von Hawaï door Walram's genootschap
  • De klokken van Corneville door Walram's genootschap en 't Klokkekoar oet Valkeberg
  • Concerte door Kurkapel Falcobergia oet Valkeberg
  • Opeloch-Heilige Mès, door de pesjtoar, veuraafgaond aan de processie.
  • Bokkenrijders, Gosewijn en Inferno Grace O'Maley', musicals door Muziektheater Heuvelland


Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rotspark&oldid=285777"