Giuseppe Verdi

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Giuseppe Verdi
Giuseppe Verdi, gesjèlderd door Giovanni Boldoni.
Gebore 9 of 10 oktober 1813
Gesjtorve 27 jannewarie 1901
Landj Keizerriek Fraankriek, Hertogdóm Parma, Keuninkriek Sardinië, Keuninkriek Italië
Sjtielperiood romantiek
Belankrieke genres opera, gewijde meziek
Invlood van Gioacchino Rossini, Vicenzo Bellini, Gaetano Donizetti, Richard Wagner
Invlood op Giacomo Puccini
Lies van componiste

Giuseppe Fortunino Francesco Verdi (Busseto, 9 of 10 oktober 1813 - Milaan, 27 jannewarie 1901) waor 'nen Italiaanse componis. Heer is veural bekind gewore door zien opera's. Heer kraog in zien woenplaots compositieles en begós roond 1840 mèt de compositie vaan opera in de geis vaan Donizetti en Bellini. Ziene vreugen opera Nabucco (1842) had al zoe groet succes tot ziene naom gemaak waor; nao nog e paar jaor hel wèrke waor heer bekind in gans Italië. Verdi tuinde sympathie veur de idee vaan e vereineg Italië; um die rei waore zien opera's soms oonderwerp vaan censuur. Verdi bleef tot op hoege leeftied succesvol opera's componere, wie Macbeth (1847), Rigoletto (1851), Il trovatore (1853), La traviata (1853), La forza del destino (1862), Aida (1872), Otello (1887) en Falstaff (1893). Wijer sjreef heer oonder mie e requiem (1874) en get instrumentaole meziek (boe-oonder e striekkwartèt, 1873). Verdi had 'n groete veurleefde veur literair libretti, dèks nao speule vaan Shakespeare. In zien opera's zuut me 'n oontwikkeling vaan 't vreugromantisch belcanto mèt väöl bravoure-aria's nao meziek boe-in de dramatiek veur 't vocaol vertuin geit. Ouch huurt me in zien later werk 'n neiging tot muzikaol experimentere, oonder invlood vaan (meh laank neet zoe ingriepend wie) Wagner. Zien opera's zien nao zienen doed noets vaan 't rippertoire gebleve en dominere, same mèt de werke vaan Giacomo Puccini, nog ummer d'n operawereld. Väöl vaan zien aria's hure tot 't allerbekindste wat de klassieke meziek te beeje heet.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Giuseppe_Verdi&oldid=413999"