Oeësjbik

Van Wikipedia
(Doorverweze van Oarsjbaek)
Naar navigatie springen Naar zoeken springen

Dit artikel is gesjreve (of begós) in 't Oeësjbiks. Laes hie wie v'r mit de versjillende saorte Limburgs ómgaon.


De kèrk van Oeësjbik mèt sjpeklaoge

Oeësjbik (Nederlands: Oirsbeek) is 'n dörp in de gemeinte Baekdale in Nederlands Limburg. Buurtsjappe zint: De Grach, Oppeven en Kleen Doonder. Tot 1982 waor 't 'n zelfsjtendige gemeinte. In Oeësjbik wone 4000 luuj. De naam kumt van de baek de Oir of Oeëre, die door 'n buus sjtruimt via Sjènne en Sjpawbik richting de Gelaenbaek.

Historie[bewirk | brón bewèrke]

Oeësjbik besjtóng vreuger oet drie kerne: De Grach, Oeësjbik en Oppeven. Waarsjienlik al bewoond in de Romeinse tied.

Bezeenswaerdig[bewirk | brón bewèrke]

  • De Katholieke kèrk is in diverse periodes geboewd. Opvallend zint de sjpeklaoge van mergelsjtein tösje de baksjtein. De belangsriekste boewsjtiele datere oet de 16e en 20e ieëw. De taore is oet 1514 (geboewd op nóg ouwer deile). 't Groatste gedeilte van 't geboew sjtamt oet 1953 ter vervanging van 'n watersjtaatskèrk oet 1830. De taore haet 'ne paervörmige sjpits oet de 18e ieëw. In de nuujste gedeiltes, door architect Fritz Peutz, zint de sjpeklaoge wir toegepas. 'nen Örgel sjtamt oet 1828. In de vènstere zit glaas-in-loeëd.
  • Aan 'ne holle waeg lik 'n koepelvörmige kapel in de vörm van 'n grot, geboewd van Valkebergse mergel. Ze is gesjtich in 1946 oet dankbaarheid dat Oeësjbik de Twieëde waereldaorlog good is doergekómme. De sjtein zint toen mit kar en paerd verveurd vanoet Valkeberg. Ze is gewiejd aan Maria van Fatima. In de Mariamaonde mei en oktober weurt hie reigelmaotig de roeëzekrans gebaejd.
  • De Janssen-windmeule, type beltmeule oet 1879.
  • De Sjepebank, woa ieërtieds inkel jaore rech woert gesjproke, haet innige tied gedeend es gemeintehoes van Oeësjbik en nao de herindeiling van de gemeintes in 1982 es gemeintehoes van Sjènne. Gerestaureerd in 1977.
  • In de Raadhuisstraat sjteit 'n pöthuuske. 't Is neet zeker of 't hie um 'nen echte waterpöt geit.

Dörpsvereiniginge[bewirk | brón bewèrke]

  • Cultureel vereiniging Oirsbeek
  • Sjport Vereniging Oeësjbik (SVO)
  • Hermenie St. Gerlachus
  • Sjötterie St. Lambertus
  • Sjtichting Sjepebank Oeësjbik (SSO)
  • Don Bosco & Jeanne d'Arc jeugdvereniging
  • Kinjer Vakantie Werk
  • cv de sjepene
  • vv alfa sport
 
Gemeinte Baekdale
Dörper: Awstroa · Bèngelder · Doevergenhout · Doonder · Hölsberg · Jaobik · Merkelbek · Nut · Oeësjbik · Pöt · Sjènne · Sjilvend · Sjömmert · Vaosje · Wienesrao · Zjweikese
Buurtsjappe en gehuchte: Aolbaek · Arensgenhout · Billich · Brand · Brómmele · Doeve · Gekruts · De Grach · Griêzegröbbe · Groat Hazel · Groeët Doonder · G'n Heisterbrök · G'n Hèk · Hout · Ieëtselder · G'n Hèl · Hèllebrook · Hómmert · Hunnekem · Kamp · Kathage · Kleen Doonder · Klein Hazel · Kleingenhout · Kwabik · Laor · Lui · Nagelbek · Nirve · Oansel · Op de Bies · Op d'n Hiering · Oppeven · Raat · G'n Reuke · Tersjtraote · Tervoeësj · Töl · G'n Veel · Vink · Wisjegrach · Woufhage · Zjwier
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Oeësjbik&oldid=432705"