Mook en Middelar

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Mokers, es te dit dialek sjpriks.

Gemeinte Mook en Middelar
(Mook en Middelaar)

Hoofplaats

Willem Gradisen (PvdA)

Opperflaakde
– daovan water

18,81 km²
1,42 km²

Inwoeners
– deechde:

7.738 (1-4-2016)
445/km²

Mook en Middelar (Nederlands: Mook en Middelaar) is de noordelekste gemeinte vaan Nederlands Limburg, mèt e groondoppervlak vaan 18,82 km² en 7.738 inwoeners (1 april 2016). De gemeinte maak deil oet vaan 't bestuurlek samewirkingsverband Stadsregio Arnhem-Nimwege. Mook en Middelar grens in 't weste aon Noord-Braobant en 't noorde en ooste aon Gelderland. D'n oetluiper vaan de Nederriensen Heuvelrögk heit hei de Mokerhei. 't Gief in de gemeinte sjerpe hoegteversjèlle tösse de bebosde en mèt hei begreujde heuvels vaan de Mokerhei en 't smale, meh relatief vlake Maosdal. Toerisme is de veurnaomste inkomstebron. Veur väöl veurzieninge weurt gebruuk gemaak vaan 't kortbij Nimwege.

Kèrne

De kèrne zien:

De Meulenhoek (Molenhoek)
Middelar (Middelaar)
Mook (raodhoes)
De Plasmeule
De Bieselt (Bisselt) kump dao es naobersjap nog bij.

Bevólkingsontwikkeling

Jaor	2006	2011	2014	2016
Inwoeneraontal	8.023	7.924	7.773	7.738
Opmèrking: telling vaan 2006 op 1 januari, 2011 en 2016 op 1 april

Dialek

Zuug ouch: Dialekte in noordelek Nederlands Limburg

't Dialek vaan al dees dörper is Kleverlands (ouch wel geneump: Zuid-Gelders) vaan aard. 't Mokers en 't Middelars zien ing verwant aan de dialekte oet 't Riek vaan Nimwege (beveurbeeld Maldes en Groesbeeks); vaan dialekte wie 't Venrods stoon ze wijer aof. Zoedoende heet 't Mokers rillatief wieneg mèt 't 'ech' Limbörgs te make.