Leo Hendrikx

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Remunjs, es te dit dialek sjpriks.

Leo Hendrikx (Remund, 23 september 1923 - Heitse, 2 aprèl 2023) waor 'ne Nederlands-Limburgse veteraon oet d'n Twiede Wereldoorlog. Heer waore eine vaan de Ingelandveurders.

Leve

Wie Hendrikx zèstien jaor waor, kaome de Pruse ziene woenplaots Häör bezètte. Mèt e paar vrun maakde heer e plan veur nao Ingeland euver te steke. In 1941 kaome ze, euver Spaanje en Curaçao, in Noord-Amerika terech. Dao kraoge ze 'n militair opleiing vaan drei maond. In 1942 woort heer versjeep nao 't Vereineg Keuninkriek, boe 'r tot piloot woort opgeleid.

In 1944 haolde Hendrikx zie brevèt en vloog 'r mèt de Spitfire oet euver bezat Nederland. In miert 1945 woort 'r touwgeveug aon 't 322 Dutch Squadron RAF, gestationeerd in 't al bevrijd Schijndel. Zjus veur de Bevrijing woort heer bij Warnsveld door de Pruse neergehaold. Op 13 mei woort heer bevrijd door de Canadeze.

Nao d'n Oorlog bleef Hendrikx nog drei jaor bij de Lochmach. Daan góng 'r studere aon de Universiteit vaan Wageningen en wèrke bij Heineken. Op daog veur veteraone kaom 'r nog geregeld opdaoge. Nog in 2021, mèt 97 jaor, vloog heer veur de lèste kier in 'ne Spitfire.

Hendrikx storf begin aprèl 2023, koelek 'n haaf jaor veur zienen hoonderste verjaordaag. Heer woort op 8 aprèl in Häör begrave. Bij d'n deens waore oonder mie börgemeisterse Désirée Schmalschläger en drager vaan de Willemsorde Marco Kroon presint.

Ierbewieze

Nederlandse

Britse

The 1939 to 1945 Star
The France and Germany Star

Bron

Dit artikel gebaseerd op, en los vertaold oet, 't corresponderend Nederlandstaoleg artikel.